دەقی پەیامەکەی #نێچیرڤان بارزانی#:
پەيامی سەرۆکی هەرێمی کوردستان دەربارەی تاوانی کوشتنی خاتوو شنيار.
لە کاتێکدا ئەوپەڕی هاوسۆزی و هاوخەميم لەگەڵ دايک وباوک و خانەوادە و کەسوکاری خاتوو شنياری خوالێخۆشبووی دايکی دوو منداڵی ساوا دەردەبڕم، سەرەخۆشييان لێدەکەم و دڵنەوايی و ئارامييان بۆ دەخوازم، دووپاتی دەکەمەوە کە وەک هەميشە و تا کۆتايی بەرەنگاری دياردەی قێزەوەنی توندوتيژيی خێزانی دەبينەوە و بە هەموو شێوەيەک سەرکۆنەی ژنکوژی و سەرکوتکردن و ئازاردانی ئافرەتان دەکەين بە هەر بەهانەيەک بێت.
هەموو لايەک دڵنيا دەکەينەوە کە تاوانباران ڕووبەڕووی ياسا دەبنەوه و هەموو دامودەزگا پەيوەندارەکانی هەرێمی کوردستان بە گوڕتر ڕووبەڕووی ئه و کولتوورە دواکەوتووە دەبنەوە.
بەداخەوە ئامارەکانی ژنکوژی و توندوتيژی بەرامبەر ئافرەتان بە هەموو جۆرەکانييەوە، هێشتا مايەی نيگەرانييەکی گەورەن و ناو و ناوبانگی هەرێمی کوردستان و کۆمەڵگە لەکەدار دەکەن، بۆيە بەرپرساريەتی دەخەنە ئەستۆی هەموومان.
هەموو دامەزراوە و دەزگا فەرمييەکان و کۆمەڵگە و مامۆستايانی ئاينی و ڕێکخراوە مەدەنييەکان و ميديا، بەرپرسياريەتيی هاوبەشمان هەيە کە بەردەوام بين و پێکەوە کار بکەين بۆ بنەبڕکردن و نەهێشتنی ئه و کولتوورە دواکەوتووە و برەودان بە هۆشياری و گيانی لێبوردەيی و ناتوندوتيژی، تا دووبارەبوونەی بەردەوامی ئەم تاوانە دڕندانە و ئه و چيرۆک و بەسەرهاتە سامناکانە ئيتر کۆتايييان بێت و ببڕێنەوە و چيتر ژنان و کچانی کۆمەڵگەی کوردستانی، نەبنە قوربانيی ئه و پەتا کۆمەڵايەتييە.
خوای مەزن گيانی خاتوو شنيار بە بەزەيی و ميهرەبانيی خۆی شاد بکات و دڵنەوايی بە خانەوادەکەی ببەخشێت.
نێچيرڤان بارزانی
سەرۆکی هەرێمی کوردستان
2022/2/23[1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,531
Scrivi il tuo commento su questo articolo!