دەقی پرسەنامەکەی کۆسرەت ڕەسوڵ عەلی:
بەڕێزان: کەسوکارو خانەوادەو هاوڕێ و هاوسەنگەرانی هەڤاڵ جووتیار جەبار
بەداخێکی زۆرەوە هەواڵی کۆچی دوایی و ماڵئاوایی هەڤاڵ جووتیار جەبار، پێشمەرگەی قارەمان و تێکۆشەر، کوڕی ڕۆژی تەنگانەو ئازاو بەجەرگ، هەڤاڵ و هاوسەنگەری چەند ساڵەم بیست، خەمێکی قووڵەو لە دڵەوە خەمبارم.
هەڤاڵ (جووتیار جەبار) کوڕی خانەوادەیەکی قارەمان و تێکۆشەر بوو، بەرۆحی کوردانەوە پەروەردە کرا، پێشمەرگەیەکی ئازاو چاونەترس بوو، هەموو ژیانی خۆی بە نیشتمان و کوردستان بەخشی، قارەمانانە خەباتی کردو نەبەردانە لە ڕۆژانی سەختی خەبات لە سەنگەرەکان بەرگری دەکرد، مرۆڤێکی پاک و جێمتمانەی هەموومان بوو.
بۆ ئەم کۆستەو لەدەستدانی ئەم تێکۆشەرە سەرەخۆشی لەخۆمان و خانەوادە تێکۆشەرو قارەمانەکەیان و کەسوکارو هاوڕێیانی دەکەم، هیواخوازم ئەمە دواکۆست و ناخۆشی هەموومان بێت، خوای گەورە سەبووری هەموولایەک بدات و کۆچکردوو جێگای بەهەشتی بەرین بێت.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,039
Scrivi il tuo commento su questo articolo!