تانەی دۆست، لە تیری دوژمن تیژترە
تانە: تەشەر، توانج سەرکۆنەکردن و قسە فڕێدان و هاوێشتنە بۆ کەسێک شێوەی پەلارە کوێرەیە ، یان قسەی بە توێکڵ و گاڵتە پێکردنە کە دەبێتە مایەی نیگەرانی، هەندێجاریش بۆ بەبیرهێنانەوەی کاری نابەجێی مرۆڤێکە، لەهەموو ئه و حاڵەتانەدا مرۆڤ پێی دڵتەنگ دەبێت، چونکە لەوانەیە ببێتە مایەی ناوزڕاندن و لەکەداربوون و ئابڕووچوون، ئینجا کاتێک خزمێک یان هاوڕێیەک ئه و تانەیەت لێدەدات لەبەرئەوەی جێگەی متمانەیە و هەموو ڕاز و نهێنیت دەزانێت، زۆر بەئازارترە وەک لە ناحەز و نەیاران، چونکە کارێکە لە دۆست چاوەڕێ ناکرێت و لێی ناوەشێتەوە، تیری دوژمن ئه و کاریگەرییەی نییە و نابێت، چونکە چاوەڕوانکراوە و دەتوانرێت شوێنی برینەکەی بە تۆڵەکردنەوە ساڕێژببێتەوە، ئەوە بووە بە ئیدیۆم و لە خزم و ئەحباب و دۆست چاوەڕوانکراونییە، بۆ دوژمنیش دەتوانرێت تۆڵە بکرێتەوە بۆیە بە نیگەرانیەوە بۆ ئه و حاڵەتە وتراوە: تانەی دۆست، لە تیری دوژمن تیژترە.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 641