شه و و ڕۆژێک، نعوری پێ دەگەڕێت
نعور: ئامێرێکی ئاودێری خڕی دەولک داره، له کۆندا لە سەر بیرەکان و کارێز و کانیاوەکان و ڕووبارەکان هەڵدەبەسترا، بە وڵاغە بەرزە و بارەبەری وەک ئێستر و گوێدرێژ و گا ڕادەکێشرا و دەکەوتە کار، شێوەی دەولکەکانی وا ڕێکخرابوو، کە دەکەوتنە ناو بیرەکەوە پڕ ئاو دەبوون و لە سوڕانەوەی بۆ سەرەوە دەولکەکان دەمەونخون دەبوون و ئه و ئاوەی کە تێیاندابوو دەیانڕژاندە ناو جۆگەڵەی سەرەکی ئاودێرییەوە، نعورگێڕان یەکێک بووە لە کارە قورسەکان چ بۆ باخەوان و ڕەزەوان و میراوان چ بۆ وڵاغەکە هەردوولا تەواو ماندوو و هیلاک دەبوون، بەتایبەت ئه و گوێدرێژ و وڵاغەی کە نعورەکە ڕادەکێشێت، ئه و حاڵەتە کراوە بە ئیدیۆم و بەکەسێک کە شان و شەوکەتێکی باش و بەکێشی هەبێت، لەگەڵ ئەوەشدا کەودەن و دەبەنگ و گێل و نەفام و بێ عاقل و نەزان، ملهوڕانە ملی نیوی بکات بۆ ڕاپەڕاندنی کارێک کورت و کرمانجی زۆر(کەر) بکەوێتە بەرچاوان، بەتەوس و گاڵتەوە پێی دەوترێت: شه و و ڕۆژێک نعوری پێ دەگەڕێت.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 834