کادین کەپڕ بوو شەنە ئاخنی ناوێت
کادین، کادان، کایەن: ژوورێکە(کا)ی تێ دەکرێت، کورد لە زۆر ئیدیۆمدا بەکاری هێناوە وەک: تاوی پشیلە تا بەردەرگای کادینە، کادین بەگۆڵکان، کاسە بەوردتکان، سەرچۆپی بدەیتە دەست گامێشێ، بەره و کادینی دەبات، هەور چووە بادینان خۆتان بکوتنە ناو کونە کادینان، ئەگەر کایەکە هی خۆت نییە، کادینەکە هی خۆتە، کا کە بە(ڕەشکە)ی دەگوازرێتەوە بۆ ناو(کادینان)، ئه و ئامێرەی بۆ داگرتن و بارکردنی بەکاردەهێنرێت پێی دەوترێت: شەنە کە دارێکی پێنج پەنجەیە بۆ بەباکردنی خەرمان دوای کوتان بەکاردەهێنرێت، لێرەدا کادین و شەنە بەکارهاتوون وەک بنەمای سەرەکی ئیدیۆمەکە هاوشێوەی ئه و ئیدیۆمە هەیە و دەڵێت: جام کە پڕ لێی دەڕژێت، له و ئیدیۆمەش وشەی: ئاخن بەکارهاتووە، واتە تێ کوتان و تێ پەستان و تێکردن بە زۆر هەڵبەت کە کادینەکە پڕ بوو پێویست ناکات بیپەستی چونکە وەک جامە پڕەکە لێی دەڕێژێت بۆیە کورد بە ئامۆژگارکردنەوە دەڵێت: کادین کە پڕ بوو، شەنە ئاخنی ناوێت.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 614