شیر مردەیه
شیر لەبەر ئەوەی خۆراکی سەرەکی ساوا و منداڵ و کۆرپەیە، چ لە مرۆڤ و چ لە ئاژەڵان، لەناو ئیدیۆمی کوردیدا زۆر ئاماژەی پێکراوە، وەک: ئه و شیرت لێ حەرام بێت، کێچی حەوت مەن شیر ئەدا، هەوێنی حەوت مەنجەڵەشیرانە، شوان مەیلی بێ لە گیسکە نێر شیر دەدۆشێت، شیربایی، شیر هەڵببزرکێت نەوعی هیچ شتێکی تر نییە، له و ئیدیۆمەدا(شیر مردە) هەموو ئه و کار و بەرخ و کۆڵگ و بێچو و ساوایانە دەگرێتەوە دوای لە دایکبوونیان، دایکیان دەمرێت و بێ دایک گەورە دەبن، بەهۆی بێ خۆراکی و بێ شیری ڕەنگیان زەرد و لەش و لاریان لەڕ و باریک و لاوازە، ئینجا هاوشێوەی ئه و کۆرپە و بێچووانە ئەگەر کەسێک زۆر لەڕ و لاواز و کزۆڵ و باریکەڵە و ڕەنگ زەرد دەکەوێت پێی دەوترێت: دەڵێی شیر مردەیە. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 425