دەقی پرسەنامەکەی #بافڵ تاڵەبانی#:
کۆچی دوایی تێکۆشەری دێرین و سکرتێری پێشووی حزبی شیوعی کوردستان و یەکێک لە ڕەمزە دیارەکانی حزبی شیوعی عیراق هاوڕێ (کەریم ئەحمەد) نیگەران و خەمباری کردم.
مامۆستا کەریم ئەحمەد لە نەوەی یەکەمی ڕێبوارەکانی ڕێگای کوردایەتی بوو کە هەمیشە بە هەڵوێست و بیری دیموکراتی و نیشتمانی دەناسرایەوە. وەک سەرۆک #مام جەلال# لە وەسفیدا دەیفەرموو (مامۆستا کەریم تێکۆشەرێکی خاکی، ڕەشۆکی، جەماهیری بوو. ئێمەمانانی خوێندکاری خۆی، وەک خۆی تەماشادەکرد و ڕێزی لێدەگرتین. هەتا سەریش هەر بەوجۆرە جوامێری و سەربەرزییە مایەوە لەدڵی ئێمەماناندا).
بۆیە کۆچی دوایی کەسایەتییەکی وەک مامۆستا کەریم ئەحمەد کە نموونەی باڵاو سەربەرزی کوردایەتی و شۆڕشگێڕی بوو خەسارەتێکی گەورەیەوەو جێ و پێگەکەی پڕناکرێتەوە، بەڵام ژیان و ناوبانگی جوامێرانەی لەمێژووی گەلەکەمان بە شانازیی و بەزیندوویی دەمێنێتەوەو دەبێتە وانەیەکیش بۆ پاکی و سەرڕاستی لەگەڵ نەتەوە و ئەو بیروباوەڕەی خەباتی بۆ دەکەین.
بۆ لەدەستدانی ئەم کەڵە تێکۆشەرە، پرسەو سەرەخۆشی خۆمان بە کەسوکار و خزمان و هاوڕێیانی ڕادەگەیەنین و ڕۆحی بۆ هەمیشە شادبێت و سەبووری و ئارامیش بەهەموو لایەک ببەخشێت.
دڵسۆزتان
بافڵ #جەلال تاڵەبانی#
سەرۆکی یەکێتیی نیشتمانیی کوردستان
14ی تەمموزی 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,068
Scrivi il tuo commento su questo articolo!