ناسیونالیزمی زازایی
زازێکۍ نەتەوێ ئەسڵۍ کۊردستان و سەرنیشتینۍ، ژمارەشا یاوۊ نزیکەو یەرۍ ملیۊن نەفەرا، زوانشا جە زوان و کرمانجی (بادینی ) جیاوزەن کە بەجۊرێ وەختو گفتوگۊینە جە یۊترینی حاڵیۍ نمەبا.
زازاکۍ هەر پېسە کرمانجەکا ماف و وانایشا بە زوانی ئەڎایی وېشان نیەن، بەڵام پارتی دادو گەشە چن مافێ سنوردارېش پەی فەراهەم کەردېنۍ بە وەڵاکەردەی ڕۊنامە بە زوان و زازایی و مەرزنارەی دەزگاو چاپی پەی وەڵاکەردەی نویسیاکاشا بەزوانی زازایی.
زوانی زازایی سەر بە گروپ و زوانەکا هۆرامین، مڵۊزمو زوانەکەیشان تەنیا ناسیونالیزمی تۊرکی نیەن، بەڵکم چانەی خەتەرتەر زوانی کرمانجین (بادینی) کە گەرەکشا هەیمەنەو وېش چېرو گېلکەردەی کۊردایەتینە سەپنۊ و تاونۊشۆ. سەرۆک و پەکەکەی ماچۊ زیڼەکەردەیۆ زوانی زازایی و ئیهتمام دایپەنەیش جە لایەن و وەڵات و تورکیەی خەتەرێ گەورەن پەی سەرو ئەمنی قەومی کوردی. کۊردەکۍ تورکیای تۊمەت و خیانەتی و زددایەتی کۊردی مڎانە پاڵو زازاکا، دەزگا ئەمنیەکا پەشتۆ چالاکی زازاکاوە موینا.
دەرەنجامو ئینەیە کۊمەڵێ ڕۊشنوېرۍ زازایۍ جە ئەوروپانە و سەری گردیۆ ( ئەبوبەکر پەموکچو ) هەستشا پی خەتەرەیە کەردەن و ڕېکۋزیێ ناسونالیستیشا مەرزنانەرە کە ئەشناسیان بە (ناسیونالیزمی زازایی) کە ئامانجش وەشکەردەی وەڵاتێ سەربەوېن پەی زازاکا بە نامۍ (زازایستان).[1][2]
Questo articolo è stato scritto in (هەورامی - Kurdish Hawrami) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 605
Scrivi il tuo commento su questo articolo!