چاوەزار
خەڵکی ناوچەی پشدەر زۆر سادە و ساکار دەژین و باوەڕیان بە چاوەزار هەیە، باوەڕیان بەوە هەیە، لە کۆمەڵگەدا کەسانی چاوپیس هەن کە هەمیشە چاویان لە ماڵ و مڵکی خەڵکییەوەیە و بەهۆیەوە خەڵک تووشی زیان دەکەن.
بە پێێ نەریتەکە ئەگەر کەسێک ماڵ و مڵکێکی هەبێت، ئەو مڵکە پارە، زەوری، ماڵات، بەروبوومی دانەوێڵە، باخ و هتد.... بێت، بەشێویەکی ڕێکوپێک بیپارێزێت و پەرژینی بۆ بکات یان هەڵیگرێت و لەبەر چاو نەبێت، بۆ ئەوەی کەسی چاوپیس زیانی لێنەدات و لەکیسی نەچێت، لەو جێگایەی ماڵەکەی لێیە، یەکێک لەم شتانە ناڵی وڵاخ یان موورووی شین هەڵدەواسێ، یان شاخی ئاژەڵی کێوی دەخاتە سەر دەرگای حەوشەکەی، بۆ ئەوەی لە چاوی پس بە دوور بێت، ئەم نەریتێکە زۆر ماڵی ناوچەکە پەیڕەوی دەکەن.[1]