Serokê Cemiyeta Rojnamegeran a Bedlîsê #Sînan Aygul# ji ber cezayê derbarê wî de hat erêkirin, hat girtin.
Serokê Cemiyeta Rojnamegeran a Bedlîsê Sînan Aygul ji bo tevli danişînek dozek derbarê wî de hatibû vekirin bibe, vê sibehê çû Edliyeya Bedlîsê. Aygul li edliyê hat binçavkirin. Aygul bi hêceta derbarê wî de biryara girtinê heye, hat binçavkirin û piştî kar û barên li edliyeyê hat girtin. Aygul ji ber di sala 2014’an de nûçeya têkildarî Projeya Enerejiya Jeotermal a 450 mîlyon dolarî derheqê Parlamenterê AKP’ê yê Bedlîsê yê wê demê Vahît Kîler de çêkiribû û di nûçeyê de jê re gotibû, “Siyasetmedarê fêlbaz” ceza lê hatibû birîn. Cezayê rojnameger Aygul hat erêkirin û ji ber vê hat girtin.
JI BO TEŞHÎRKIRINÊ PERE RANEZANDIYE
Piştî biryara girtinê, parêzerê Aygul, Burhan Aksoy daxuyanî da û diyar kir ku cezayê hatiye birîn li dijî azadiya çapemenî û derbirînê ye û got: “Miwekîlê min cezayê pereyê edlî ranezand û vî cezayî qebûl nekir. Vê biryarê jî ji bo teşhîrkirinê girtibû. 1500 lîre cezayê pere tekabûlî 75 roj cezayê hefsê dike. Heke ev ceza bêr razandin, dê karûbarên tehliyeyê pêk were. Dema razandina pere û dê çiqas ceza bidome ev li ser biryara miwekîlê min maye.” [1]
Questo articolo è stato scritto in (Kurmancî - Kurdîy Serû) lingua, fare clic sull'icona
per aprire l'articolo in lingua originale!
Ev babet bi zimana (Kurmancî - Kurdîy Serû) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
Questo oggetto è stato visto volte 1,748
Scrivi il tuo commento su questo articolo!