پیفۆک (پیشۆک): ڕووەکێکی سروشتی پیازی خۆڕسکە لە زوورگ و تەلان و بەرزایيەکان شین دەبێت، لە مانگی شوبات تا ئادار گەشەی دەردەکەوێ، گەڵاکانی باریک و سەوزن و هێڵی سپی لەناودا هەیه و قەدیان پیازییه لە ناو خاکدایه چينێکی ڕیشاڵی ڕەنگ زەردی خورمایی بەرەکە دادەپۆشێ، ڕەگی ڕیشاڵيە، بەرەکەی قەدێکی خڕه و سپيه و خواردنی خۆشە، لە ناوەڕاستی پایز کۆمەڵێ گوڵی سپی لە شێوەی زەعفەران دەردەکات، بێ بۆنە.
بەرەکەی لە سەرەتای بەهار لەژێر زەوی پێ دەگات کە بەقەدی ژێر زەوی دادەنرێت، بەرێکی سپی شیرین و شیرییه، وەک پیاز به شانەی تۆڕی ڕەنگ خورمایی داپۈشراوە (10-15) سانتیمەتر لەژێر زەویدا دەبێت، به (پيشەقان) بەهاران مێرد منداڵ و کچان دەيکەن، گەڵاکانی باریک و سەوزن لەسەر زەوین هێڵی سپی باريکی تێدان، لەپایزدا گوڵی سپی
دەکات گوڵەکانی لەو پايزەدا لە #دەشتی هەولێر# لە زوورگ و تەلان و چیای #قەرەچوغ# که وەرزی بێ گوڵيە، ئەو ڕووەکه گوڵ دەکات، بەڵام بۆنی زۆر نيه، لەناو جووتيارانی دەشتی هەولێر واباوه هەر کاتێک پیفۆک گوڵی کرد مامز (ئاسک) بێچووەکەی لەشیر دادەبڕێت. [1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 983
Scrivi il tuo commento su questo articolo!