#گۆڕ دخمە# یان #گۆڕە بەردینە#، یەکێک لە شوێنەوارە بەجێماوەکانی ئیمپراتۆریی #میدیا#، کۆمەڵێک گۆڕە کە لەناو شاخ و شوێنە بەرزەکان هەڵکەنراون، بەمەبەستی ناشتنی تەرمی پاشاکانی میدیا درووست کراون، ئەمانە کە وەک زەنجیرە گۆڕن، مێژووی درووستکردنیان بۆ سەرەتای دەسەڵاتداری میدیا دەگەڕێتەوە، کە پاشان لە لایەن پاشاکانی پارس و #ئەخمینی# لاسایی کراونەتەوە.
مێژووی دروستکردنی ئەم جۆرە گۆڕانە بۆ سەردەمانێک دەگەڕێتەوە کە ئایینی #میترایی# و پاشان #زەردەشتی# ئایینی فەرمیی کورد و کوردستانی گەورە بووە. بڕوادارانی ئەم ئایینە تەرمەکانیان لەسەر بەرزایی لەناو ئەو گۆڕانە داناوە، تا باڵندە و ئاژەڵاکان بیانخۆن و ئێسکەکانیان شی ببێتەوە.گۆڕ دەخمە ژوورێکی لە بەرد دروستکراو لە ناو قەدی چیایەکی بەرزە کە بۆ دانانی تەرمێک یان چەند تەرمێک لە بەرزاییەکان دروست کراوە و لەم شوێنە بێجگە لە گۆڕ بۆ ناشتنی تەرمی مردوو، شوێنی پێویستیشی هەبووە بۆ بەڕێوەبردنی نەریت و ڕێوڕەسمی ناشتنی مردووەکان.
ئامادەکردنی: سارا سەردار
[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 483
Scrivi il tuo commento su questo articolo!