تۆرا #لالش# یا ڕاگەهاندنێ :
د چارچۆڤێ سەرەدانێن بەردەوام یێن شاندێن بیانى و نافخۆى و ژبۆى پتر ناسکرنا ئێزدیان وئۆلا ئێزدیان و کەڤناتیا ڤێ ئۆلێ , ئیرۆ ڕۆژا ئێکشەمبوویێ ڕێکەفتى 18ى سێپتێمبەرا 2022ێ شاندەکى ئەکادیمى قەستا پەرستگەها پیرۆزا لالش کرن .
شاندێ سەرەدانا پەرستگەها لالش کرى ژ ژمارەکا مامۆستایێن زانینگەها بەغدا و شوێنەوارناسان پێکدهاتن و ژلایێ بەرپرسێ نڤیسینگەها پەرستەگەها لالش ڤە هاتە پێشوازیکرن .
بەرپرسێ نڤیسینگەها پەرستگەها لالش لوقمان سولێمان بؤ شاندێ ناڤبرى دایە خویاکرن کو دەرگەهێ لالش هەردەم ڤەکرییە , و بۆ دەمەکى دگەل شاندێ نافهاتى دناڤا هندورێ پەرستگەهێ گەریان پێخەمەت ژ نێزیکڤە شاندێ هاتى ئاگەهدارى ناسینا سیمبۆلێن ئێزدیان و ئه و هێما و نەقشێن سەر دیوارێن پەرستگەهێ بکەت , زێدەبارى ئاماژە پێکرن ب کەڤناتى و ڕەسەناتیا ئۆلا ئێزدیان ,هەروەها سولێمانى بەحسا گرنگترین جەژن و هەلکەفتێن ناڤا پەرستگەهێ دهێنە گێران کر وبۆ شاندنێ قەستکرى دانە خویاکرن.
هەژى گۆتنێ یە ڕۆژ ل دیڤ ڕۆژێ هاتنا شاندێن هەمجۆرێن بیانى و نافخۆى ژ پسپۆر و بیاڤێن جودا جودا قەستا پەرستگەها لالش دکەن بمەرەمێن خاندن و ڤەکۆلین و ناسینا ئۆلا ئێزدیان .
س.س[1]
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 1,261
Scrivi il tuo commento su questo articolo!