ئەوە بۆ جاری چەندەمە هەرێمی کوردستان دەکەوێتە ژێر پەلاماری مووشەکی و بۆردومانی هێزەکانی ئێران. ئیدانەی ئەو پەلامار و بۆردومانانە دەکەین چونکە بووەتە هۆی کوشتن و برینداربوونی هاووڵاتیانی مەدەنی و ژن و منداڵی بێتاوان و ئەوە لە ڕاستیدا تاوانکارییە. لە هەمانکاتیشدا ئەو پەلامار و بۆردومانانە پێشێلکردنی بنەماکانی دراوسێتی و دۆستایەتی و سەروەرییە و هیچ پاساوێک هەڵناگرێت و لە دژی بەرژەوەندی و سەقامگیریی هەرێمی کوردستانە.
ڕاشیدەگەیێنین کە مووشەکبارانکردن و پەلاماردان چارەسەری کێشەکان ناکات و پێویستە چیتر پەنا بۆ ئەو جۆرە کردەوانە نەبردرێت کە جگە لە تاوانکاری و نا سەقامگیری هیچی لێ بەرهەم ناهێت. داوا دەکەین دەستبەجێ ئەو پەلامار و بۆردومانانە ڕابگیرێن و هەرێمی کوردستانیش چیتر نەکرێتە گۆڕەپانی یەکلاییکردنەوەی گرفت و ناکۆکییە ناوخۆییەکانی وڵاتانی دراوسێ. [1]
#بارەگای بارزانی#
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 770