ڕاگەیەندراوی مەڵبەندی 4 #ڕانیە#ی #بزووتنەوەی ئیسلامیی کوردستان#
بسم للە الرحمن الرحیم
بەناوی زۆرینەی ئەندام و کادیرانی سنووری مەڵبەندی ڕاپەڕینی بزووتنەوەی ئیسلامیی (#پشدەر# و #بیتوێن# و #خۆشناوەتی#)، بە بەشەکانی خوشکان و خوێندکاران و پۆلیس و خانەنشینانەوە، پشتیوانی خۆمان بۆ ڕابەرایەتی و برا گەورەیی کاک حاجی #کامیلی حاجی عەلی# دەردەبڕین و پەیمان و بەڵێن دووپات دەکەینەوە بۆ جەنابیان پابەندی فەرمان و ڕێنماییەکانی بین لە سنووری شەرع و پەیڕەوی ناخۆی بزووتنەوەدا.
ئێمە دەزانین کۆنگرەی 12 بە شێوەیەکی نا مەنهەجی و بە پێشێلکارییەکی زۆرەوە ئەنجام دراوە و هیچ شەرعیەتێکی نییە، چونکە تاکە کاندید بۆ پۆستی ڕابەری بزووتنەوە بەڕێز حاجی کامیل بووە و بە فرت و فێڵ و پێشێلکاری ڕێگە لە بوونە ڕابەری جەنابیان گیراوە، وە ئەو کەسەش خۆی وەک ڕابەر ناساندەوە بە هیچ شێوەیەک مافی خۆ کاندیدکردن و بوونەوە بە ڕابەری نەبووە بە پێی پەیڕەوەی ناخۆی حزبەکەمان.
هەر بۆیە ئەو لێدوان و وتانەی د.عەبدوڵڵا وەرتی ڕەت دەکەینەوە کە ئەمڕۆ ڕایگەیاند کۆنگرە و ڕابەرایەتی حاجی عیرفان شەرعیەتیان هەیە، نەخێر شەرعیەتیان نییە و ئەمەش لای زۆرینەی ئەندامانی کۆنگرە زانراوە و شاراوە نییە،
وە بۆ ڕێکخستنەوەی کاروبارەکانی سنوورەکەمان، تەشکیلاتی مەڵبەند بە سەرپەرشتی و براگەورەیی بەڕێز مامۆستا محەمەد ئەمین ئاشوری ئەنجام دەدرێت لەنزیکترین کاتدا.
دەست لە دەست و قووەت لە خودا.
سەرکەوتن بۆ حەق و ڕاستی و شەرعییەتە. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 1,372
Scrivi il tuo commento su questo articolo!