خەلیلە، گیاکەڵەبابە 68-69
ئەم گوله له شاخی #کێوەڕەش# و دامێنەکەی دەڕوێت، هە ڕوەها له پێدەشتی #بيتوێن# و (#ڕانیە#) بەربڵاوە، تا (30 سانتیمەتر) بەرز دەبێتەوە له کێوەکە، بەڵام له پێدەشتەکەيدا دەگاتە (80 سانتیمەتر) بەرزی، له سەرەتای ڕە شەمێ - ئادار چەکەرە دەکات و له مانگی نەورۆز-نیسان گوڵەکانی دەکاتەوە، گوڵێکی سپی له شێوەی سینی دایە، پانی گوڵەکە دەگاتە (10 سانتیمەتر)، حەز به گڵی نەرم دەکات و دێمیە، لەگەڵ شێدا گەشەی جوانتر و گەشترخۆی دەنوێنێ، چەندین جۆری بڵاوبۆتەوە له جیهاندا، بەڵام ئەوەی ناوچەی (رانیه) له شێوەی (شبیت) خۆی دەردەخات، بەڵام گوڵەکەی هێنده سپیە، بینەر بۆلای خۆپەلکێش دەکات، قەدی ئەم گوڵه بێگەڵا هەڵدەزنێ بەرە و سەر، بەڵام له خوارووی قەدەکەدا گەڵاکانی دەبینرێت، گەڵاکانی درێژ و ورديلەن له شێوەی دەزولەيی، به پێچەوانەی جۆرەکانی تر که لە شێوەی مەتاتی دان، گوڵێکی بەهاری زۆر جوان و سەرنجڕاکێشە، حەز دەکات لەناو گیاکانی تردا سەر دەربهێنێ، ئەمەش نیشانەی ئەوەيە حەز به شێ دەکات و پلەیی گەرمی مام ناوەند گەشەی باشتر پێدەدات و خۆی دەگرێت لەبەردەم تینوێتیدا، که گوڵەکەی وشک دەبێتەوە خۆی خڕ دەکاتەوە و مرۆڤ وەک چیلکە بۆ ددان پاک کردنەوه بەکاری دەهێنێ و بۆنێکی خۆشی هەیە، له ڕووی پزیشکيەوە، کولاندنی گوڵەکانی و خواردنەوەی، بۆ نەخۆشيە پێستیەکان زۆر بە سوودە.[1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 581
Scrivi il tuo commento su questo articolo!