لەسەر ڕاسپاردەی سەرۆک #بافڵ تاڵەبانی# سەرۆکی #یەکێتیی نیشتمانیی کوردستان# ئەمڕۆ #18-01-2023# بنەماڵەی حاجی مەزهەر سیرێ قەرەبوو کرانەوە و هەموو پێداویستییەکانیان بۆ دابینکرا. لەبارەی قەرەبوو کردنەوەکەش حاجی مەزهەری سیرێ لە کۆنگرەیەکی ڕۆژنامەوانیدا ڕایانگەیاند، بافڵ جەلال تاڵەبانی هەموو پێداویستییەکانیان بۆ خۆیان و دراوسێکانیشیان دابینکردووە. هەروەها ئاماژەی بۆ ئەوەشکرد، سوپاسی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان دەکەین کە لە سەرەتای کارەساتەکەوە لەگەڵماندا بووە، هەر لە سەرەتای کارەساتەکەوە لە دەرهێنانی تەرمەکان و چارەسەرکردنی بریندارەکانەوە هاوکارمان بوون و سەرجەم دامودەزگاکانیان ڕاسپاردووە کە هەر پێداویستییەک هەیە بۆ ئێمەی جێبەجێبکەن. باسی لەوەشکرد، ئەوەی ئەوان بۆ ئێمەیان کردووە ناتوانین سوپاسیان بکەین، بەڕاستی هەر لە مام #جەلال تاڵەبانی# دەوەشێتەوە کە ئەو نەوە باشانەی بۆ ئێمە بەجێهێشتووە و خزمەتییان پێشکەش بە ئێمە کردووە. لە بەشێکی تری کۆنگرە ڕۆژنامەوانییەکەدا، حاجی مەزهەر ، ڕوونیکردەوە، هەر وەک لە یەکەم ساتەوە کاک بافڵ تاڵەبانی ڕایسپار هەموو کارێکمان بۆ بکرێت، ئێمە هەموو کارێکمان بۆ کراوە و سەرجەم پێویستییەکانمان جێبەجێکراوە، هەموو ئەوەی پێویستە لە قەرەبوو کردنەوە وە هەم بۆ خۆمان و هەم بۆ دراوسێکانیشمان کراوە. دەربارەی دورستنەکردنەوەی خانووەکەی کە ڕووداوەکە تێیدا ڕوویدا ئاشکرایکرد، من خۆم داوامکرد کە خانووەکەی خۆم بۆ درووستنەکەنەوە، چونکە ناتوانم لەو شوێنەدا بژیم، لە شوێنی تر هەموو شتێکیان بۆ کردووین، بۆئەوەی هەموو لایەک بزانن و نەوترێت بۆ خانووەکەی درووستنەکراوەتەوە ئەوە داواکاریی خۆم بووە و بە سوپاسەوە داواکەم قبوڵکراوە. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 749
Scrivi il tuo commento su questo articolo!