توێژینەوەیەکی نوێی سویسریی لە گۆڤاری Nature بڵاوکراوەتەوە ئاشکرایکردووە، شێرپەنجەی مەمک لە کاتی خەوتنی نەخۆشەکاندا زیاتر چالاک دەبێت و بڵاودەبێتەوە، باس لەوەشکراوە، گرنگی ئەم دۆزینەوەیە لەوەدایە، دەتوانێت لە داهاتوودا شێوازی دەستنیشانکردن و چارەسەرکردنی نەخۆشیی شێرپەنجە بەشێوەیەکی سەرنجڕاکێش بگۆڕێت.
بەپێی ئامارەکانی ڕێکخراوی تەندرووستیی جیهانیی، شێرپەنجەی مەمک یەکێکە لە بەربڵاوترین جۆرەکانی شێرپەنجە کە ساڵانە تووشی نزیکەی دوو ملیۆن و 300 هەزار ئافرەت دەبێت.
گریمانەی پێشوو ئەوەبوو کە گرێ شێرپەنجەییەکان بەشێوەیەکی بەردەوام خانەکانی گەشەکردن ئازاد دەکەن، بەڵام تیمی توێژینەوەی زانکۆکانی بازل و زیوریخ دەریانخستووە کە خانە شێرپەنجەییە بڵاوبووەوەکان بەشێوەیەکی سەرەکی لە کاتی خەوتنی نەخۆشەکاندا درووستدەبن و بڵاودەبنەوە.
لەوبارەیەوە نیکۆلا ئەسیتۆ پڕۆفیسۆری ئۆنکۆلۆژیای مۆلیکولەر لە زانکۆی زیوریخ دەڵێت: کاتێک نەخۆشەکە خەوتووە، گرێ شێرپەنجەییەکە لە خەو هەڵدەستێت، ئەو خانانەی کە لێی جیادەبنەوە بەخێرایی دابەشدەبن.
باس لەوەشکراوە، هەنگاوی داهاتوو بۆ توێژەران ئەوەیە کە بزانن چۆن ئەم دۆزینەوانە بخەنە ناو چارەسەرەکانی شێرپەنجەوە بۆئەوەی کاریگەرییەکانی باشتربێت. [1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 600
Scrivi il tuo commento su questo articolo!