ئەنجامی تاقیکردنەوەیەکی نوێی کە لەسەر سامپڵێکی بچووکی تووشبووانی نەخۆشیی شێرپەنجە لە ویلایەتە یەکگرتووەکانی ئەمەریکا ئەنجامدراوە، دەرکەوتووە کە سەرجەم بەشداربووەکان بەتەواوەتیی لە نەخۆشییەکەیان چاکبوونەتەوە و بەسەر گرێ شێرپەنجەییەکانیاندا زاڵ بوون.
ئەو دەرمانەی لەو تاقیکردنەوە کلینیکییەدا بەکارهێنراوە پێیدەوترێت (dostarlimab) و ناوە بازرگانییەکەشی بریتییە لە (Jemperli) کە بەگشتیی بۆ چارەسەرکردنی شێرپەنجەی ناوپۆشی منداڵدان بەکاردەهێنرێت، بەڵام تاقیکردنەوەکان ئەوەیان سەلماندووە کە دژ بە شێرپەنجەی ڕیخۆڵەش زۆر کارایە.
ئەم ئەنجامە سەرەتاییانە ئاماژەی ئەوەیان بەدەستەوەداوە کە چارەسەرەکە بە شێوەیەکی سەرسوڕهێنەر کاریگەرە، وەک تیمی توێژینەوەکەش ڕایانگەیاندووە ڕەنگە ئەوە یەکەم تاقیکردنەوە بێت کە تێیدا هەموو نەخۆشانی شێرپەنجە چاک ببنەوە.
لەوبارەیەوە، لویس دیاز جونیۆر، پزیشکی پسپۆڕی بواری شێرپەنجە لە سەنتەری شێرپەنجەی میمۆریال سلۆن کیتەرینگ وتویەتی: پێم وایە ئەمە یەکەمجارە لە مێژووی شێرپەنجەدا ئەمە ڕووبدات.
جێگای سەرنجە کە ئەم سامپڵە تەنیا 12 نەخۆشی لەخۆگرتبوو، کە هەموویان گرێ سێرپەنجەییەکانیان بازدانێکی جینیان هەبوو کە پێی دەوترێت (MMRd) ، لە کاتێکدا ئەو جۆرە نەخۆشانە بۆ چارەسەرکردنیان دەبێت پێش دەرهێنانی گرێ شێرپەنجەییەکە بخرێنە ژێر چارەسەری کیمیاییەوە. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 502
Scrivi il tuo commento su questo articolo!