#قوباد تاڵەبانی# جێگری سەرۆکی حکومەتی هەرێمی کوردستان، بۆ کردنەوەی ئاستمانی تورکیا بەڕووی فڕۆکەخانەی #سلێمانی# پێشنیازێکی بۆ ئەو وڵاتە کردووە.
قوباد تاڵەبانی لە میانی کۆبوونەوەی لەگەڵ جێگری بەرپرسی دەزگای هەواڵگری تورکیا لە #بەغدا#، پێشنیازێکی بۆ ئەو وڵاتە کردووە.
پێشنیازەکە ئەوە بووە، کە تورکیا لیژنەیەکی سیاسی و ئەمنی و هەواڵگری پێکبهێنێت و بێنە سلێمانی و لێکۆڵینەوە لەو گومانانە بکەن، کە لەسەر فڕۆکەخانەی سلێمانی هەیانە.
تەنانەت لە پێشنیازەکەدا باسی لەوەش کردووە، کە لیژنەکە بۆ ماوەی چەند مانگێک دەتوانن بمێننەوە و لە نزیکەوە ئاگاداری گەشتەکانی فڕۆکەخانەکە بن، بۆ ئەوەی هیچ گومانێکیان نەمێنێت.
لەبارەی وەڵامی تورکیا بۆ پێشنیازەکە، سەرچاوەکە باسی لەوە کردووە، ئەو بەرپرسەی تورکیا دەسەڵاتی بڕیاردانی نەبووە و تەنیا وەک ڕاوێژ و گوێگرتن هاتووە و بڕیارە ناوەرۆکی پێشنیازەکە ئاڕاستەی سەرووی خۆی بکات. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 427
Scrivi il tuo commento su questo articolo!