ناونیشانی بابەت: جوگرافیای زمانیی سێ (حکومەت یا پاشایەتی یا دەوڵەت) ی ئوڕاڕتو و ماننا و ئاڵیپی لە سەردەمی مێژوویی ئاسنی 2
نووسینی: عوبەید سوورخابی
جوگرافیای زمانیی سێ حکومەتی ئوڕاڕتو و ماننا و ئاڵیپی لە سەردەمی مێژوویی ئاسنی 2
جوگرافیای زمانیی سێ حکومەتی #ئوڕاڕتو# و #ماننا# و #ئاڵیپی# لە سەردەمی مێژوویی ئاسنی 2 واتا نێوان ساڵانی 950 تا 650ی پ.ز و هاوکات لەگەڵ دەسەڵاتدارێتی ئاشووری لە مێزۆپۆتامیا لە دەسەڵاتدارە سەرەتاییەکانی ئەم هەرێمانە بوون کە میراتگری فەرهەنگی-هونەری و توخمی لولوبی و گوتی و کاسی و عیلامی و تەنانەت سوباری و حوری و هیتییەکان بوون کە بەگشتی هەر هەموویان بە نەتەوە زاگڕۆسییەکانی بەر لە ئاڕیایی دەناسین (هەزارەکانی دوویەم و سێیەمی پێش زایین) . جا ئەو جوگڕافیایە هەڵسەنگێنن لەگەڵ جوگڕافیای زمانیی نەتەوەی کورد لەم هەرێمانەدا. ئوڕاڕتو لەگەڵ کورمانجی سەروو، ماننا لەگەڵ کورمانجی ناوەڕاست و آلیپی لەگەڵ کورمانجی خواروو. ئەگەر باوەڕمان بەمە بێ کە ئەو هۆز و خێلانەی کە لە باری زمان و ئاخاوتن لێک نزیکن و دونیای نیشانەیی و فەرهەنگی و بیرکردنەوەشیان بە هەمان ئەندازە لێک نزیکە و بە هەمان شێوەش کێشی دەروونییان بە پێی زمانی هاوبەشیان بۆ گەیشتن بە یەکگرتوویی نەتەوەیی زیاترە، ئەوە دەبێ سەلمێنەری ئەم ڕوانگەیە بێ کە جوگڕافیای زاراوەکانی ئێستای زمانی کوردی میراتی جوگڕافیای سیاسی و فەرهەنگی نەتەوەکانی زاگرۆسی بەر لە ئارییەکان و سەردەمی مادەکانە، و ئەو نەتەوەی ئێستا وەک کورد خۆی پێناسە دەکات، ڕێشەی لە نەتەوەکانی کۆنی زاگرۆس دایە و فەرهەنگ و زمانی کوردیش بە هەموو زاراوە و چەمکەکانی میراتگەری ئەو نەتەوە زاگرۆسیانەیە. واتا شوناسی تاک/ نەتەوەی کورد بە درێژایی ئەم پێنج هەزار ساڵە شکل و بیچمی گرتووە و بۆیەش دوای ئەو هەموو چەوسانەوە و ئاسمیلە کردنە توانیوەتی لە ڕێگەی پاراستنی کولتووری و زمانی ڕەسەنی خۆی لە فەوتان و توانەوە ڕزگای بێت.[1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 484
Scrivi il tuo commento su questo articolo!