#قوباد تاڵەبانی# و #دەرباز کۆسرەت ڕەسوڵ# لە #هەولێر# لەگەڵ نوێنەرانی ژمارەیەک لە کونسوڵخانەکانی ئەوروپا و نوێنەری یەکێتی ئەوروپا بە سەرپەرشتی ڕۆزی کەیف کونسوڵی گشتی بەریتانیا کۆبووەوە و لە کۆبوونەوەکەدا ئامادەیی #یەکێتیی نیشتمانیی کوردستان#ی بۆ هەر دەستپێشخەرییەک ڕاگەیاند بۆ ڕێککەوتن لەسەر ئەنجامدانی هەڵبژاردن لە زووترین کاتدا.
لە کۆبوونەوەکەدا قوباد تاڵەبانی و دەرباز کۆسرەت ڕەسوڵ هەڵوێستی یەکێتییان سەبارەت بە پرسی هەڵبژاردن ڕوونکردەوە و ڕایانگەیاند یەکێتی لەگەڵ بەڕێوەچوونی هەڵبژاردندایە لە نزیکترین کاتدا، بەڵام داواکارییمان ئەوەیە کە هەڵبژاردنێکی ئازاد و دادپەروەر و گشتگیر بێت.
جەختیشیان کردەوە لە ماوەی ڕابردوودا هەرێمی کوردستان لە چەندین بواری وەک پێشێلکردنی مافەکانی مرۆڤ و ئازادی ڕادەربڕین و ئازادی کاری ڕۆژنامەگەرییەوە ڕووبەڕووی ڕەخنە بووەتەوە و نامانەوێت بەهۆی دواخستنی هەڵبژاردنیشەوە ڕووبەڕووی ڕەخنەی دۆستانمان ببینەوە و ناوبانگی هەرێم لەوە زیاتر لەکەدار ببێت.
قوباد تاڵەبانی ئاماژەی بەوەشدا لە کۆبوونەوەکانی ڕابردوودا لەسەر زۆربەی خاڵەکان ڕێککەوتن کراوە و تەنیا خاڵی ناکۆکی پرسی کورسی کۆتای پێکهاتەکانە. [1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 479
Scrivi il tuo commento su questo articolo!