ناڤ: نەوزاد
ناڤێ باب: هادی مەولود محەمەد
ساڵا ژدایکبوونێ: 1963
جهێ ژدایکبوونێ: #هەڤلێر#
$ژیاننامە$
ساڵا1963 ل باژێڕێ هەڤلێر ژدایک بوویە. ئەندازیار و سیاسەتمەدار نەوزاد هادی مەولود محەمەد، یێ بەرنیاس ب نەوزاد هادی ساڵا 1992 پشتی ڕاپەڕینا مەزنا گەلێ کوردستانا باشوور پەیوەندی ب خەباتا شوڕەش و بەرخوەدانا کوردینیێ و #پارتی دیموکراتی کوردستان#ڤە کرییە، نەوزاد هادی نینەرێ کونگرەیا دوازدێ یا ساڵا (1999) یا پارتی دیموکراتی کوردستان بوویە و هەروەسا د ساڵا2010 و ل کونگرەیا سێزدەمین یا پارتی ب ئەندامێ ئەنجومەنا سەرکردایەتیا پارتی دیموکراتی کوردستان هاتییە هەلبژارتن. ماوێ 15 ساڵان و ژ ساڵێن 2004 ژبو 2019 ێ پارێزگارێ پارێزگەها هەڤلێرێ بوویە.
د ساڵا1987 باوەڕناما بەکالۆریۆسێ دبوارێ ئەندازیاریا کەهرەبێ ل کۆلێژا ئەندازیاری یا زانینگەها سەڵاحەدین - هەڤلێر بدەست خوە ڤە ئیناندییە. ساڵا 1996 ل کابینەیا سێ یا #حکومەتا هەرێما کوردستان#ێ وەکە بریکارێ وەزارەتا گواستنەوە و گەهاندنێ هاتییە دەست نیشان کرن. سەروکێ لقا هەڤلێر یا سەندیکایا ئەندازیارێن کوردستانێ بوویە. ساڵا 2004 وەکە پارێزگارێ هەڤلێرێ هاتیە دەست نیشان کرن و هەیا ساڵا 2019 لسەر ڤی پۆستەی یێ بەردەوام بوو و د وی هەیامەی کو پارێزگارێ هەڤلێرێ بوویە خزمەتەکە هەژی و بەرچاڤا پارێزگەها هەڤلێرێ ب گشتی و باژێڕێ هەڤلێرێ وەکە پایتەختێ هەرێما کوردستانێ ب تایبەتی کرن. شەهرەزایی د زمانێن کوردی و عەڕەبی و ئینگلیزی و فارسی دە هەنە.
ل ساڵا 1992 هەیا ساڵا 1996ێ ل مەکتەبا ناڤەندی یا ڕاگەهاندنا پارتی دیموکراتی کوردستان کارێ خوە کرییە، هەروەسا وەکە ئەندازیا ل ئێزگەهێ دەنگێ کوردستانێ و تەلەڤزیۆنا کوردستان کارێ خوە کرییە، نەوزاد هادی خێزاندارە ب تەنێ کەچەک هەیە. هەنووکە و ل پشتی هەیامێ کوو ل پۆستێ پارێزگارێ هەڤلێرێ هاتە دوور خستن، کارێ خوە یا نوو ل سەروکایەتییا هەرێما کوردستانێ هەنە و وەکە راوێژکارێ سەروکێ هەرێما کوردستانێ #نێچیرڤان بارزانی# لسەر ڤی کارەی یێ بەردەوامە.[1]
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 469
Scrivi il tuo commento su questo articolo!