واتەو وەڵینا
هۆرامیۍ قاقەزی چەرمە مواناوە:
دەربارەو ئی ئیدیۆمۍ، واچیان: سەردەمو حەمەڕەزا شاو پەهلەوینە، هېرشێ فراوان کریان پەی سەرو ناوچەو هۆرامانی، دەگاو (دزڵیۍ)، بە تەمامی سۊتېنە، کەس هیچش پەی بەرنەشیەن، نەبېیەی دلۍ خەڵکینە وەڵا بېیەنۆ، مەحمووڎ خانو دزڵیۍ، نامێوە مەکیانۊ پەی (قاڎر بەگو جافر سان) ی کە جە تەوېڵۍ نیشتەجا بېیەن، داواو بڕێ قەرزیش چەنە کەرۊن، وەختێ نامەکۍ مەیاوۊ دەسش، هۊرش پڕچنۊ، تەماشەش کەرۊن وەرەقەکە چەرمەنو هیچش چەنە نەنویسیان، قاڎر بەگ فرە پەنەش سەمەرە بۊن، نامەکۍ مڎۊنە دەسو کەسێ بە نامۍ (میرزا ئۆلقاڎرو تەوېڵۍ) ، پەنەش ماچۊ: ئەرۍ تۊ هیچ چی نامۍ حاڵی مەبین؟ ئاڎییچ داوا کەرۊن چراوێ فانووسەی گیسیانېش پەی باران، وەختێ چراوەکېشا ئاردېنە، نامەکېش دێنە وەرو ڕۊشنایی چراوەکۍ، ئیتر تاوانش بوانۊشۆ، جە مەرامو مەحمووڎخانی پەی قاڎر بەگی بېیاوۊنە، هامکات واتەنش ئی نامۍ بە ئاوەو پیازی نویسیێنە، مەرامش ئانە بېیەن هیچ کەسێ ناحەز نەیاوۊشەنە، ئیتر چانەیۊ وچیان هۆرامیۍ قاقەزی چەرمە مواناوە.[1]
Questo articolo è stato scritto in (هەورامی - Kurdish Hawrami) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 800
Scrivi il tuo commento su questo articolo!