=KTML_Bold=وەزارەتی دارایی 100 ملیار دیناری هەیە و چاوەڕێی 400 ملیارەکەی بەغدایە=KTML_End=
وەزارەتی دارایی هەرێم بۆ دابەشکردنی مووچەی مانگی نیسانی 2023 فەرمانبەران نزیکەی 100 ملیار دینار داهاتی ناوخۆی لەبەردەستە، چاوەڕوانی گەیشتنی 400 ملیار دینارەکەی #بەغدا#یە تا بڕیار لە دابەشکردنی مووچە بدات.
بەگەیشتنی پارەکەی بەغدا، بڕی 500 ملیار دینار بەردەست دەبێت بۆ دابەشکردنی مووچە، تاکۆتایی ئەم مانگە دەتوانرێت بە داهاتی ناوخۆ بڕی 250 ملیار دیناری دیکە کۆ بکرێتەوە. تاکۆتای مانگ پارەی مووچە دەگاتە 750 ملیار دینار و هاوپەیمانان نزیکەی 35 ملیار دیناریان بۆ مووچەی مانگی نیسان داوەتە لیوا هاوبەشەکان و نزیکەی 900 ملیار دینار بۆ حکومەت دەمێنێتەوە دابینی بکات. واتە 150 ملیار دینار کوورتهێنان دەبێت.
داهاتی بەردەست و 400 ملیاری بەغدا و داهاتی پێشبینیکراوی ناوخۆ تاکۆتای مانگ بڕی 83 لە سەدی پارەی مووچە پڕ دەکەنەوە و هێشتا بڕی 150 ملیار دینار کوورتهێنان دەبێت و ڕەنگە حکومەت ناچار بێت بە قەرز کردن پڕی بکاتەوە.
ڕۆژی چوارشەممەی داهاتوو ئەنجوومەنی وەزیران کۆدەبێتەوە ئەگەر تائەوکاتە پارەکەی بەغدا بگات بڕیار لەسەر چۆنییەتی دابەشکردنی مووچە دەدرێت و چاوەڕوان دەکرێت خشتەی دابەشکردنی مووچەی ئەم مانگە کاتێکی زیاتر بخایەنێت لە چاو مانگی پێشوو بەو پێیەی بەشێکی پارەی مووچە پشت بە داهاتی ناوخۆ دەبەستێت و ڕۆژانە کۆدەکرێتەوە. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 608
Scrivi il tuo commento su questo articolo!