بابەت: جەژنۍ ئێرانیەکا وەڵۍ ئاماو ئیسلامی
نویسەر: ڕەحمان ڕەحمان زادە.
وەڵۍ ئامای ئیسڵامی پەی خاکو ئێرانی ئەی جەژنۍ باوۍ بیېنۍ:
گاهەنبارێ
نۆرۊز
مێهرەگان
سەدە
مهێمتەرین جەژنۍ خەڵکوو زەمانەو باستانی بیېنۍ. نیەتشا جە گېرتەو ئی جەژنا، عیبادەت و شوکر کەرڎەی پەی خوڎای گەورەو بۍ شەریکی بېیەن.

گاهەنبارێ:
شش جەژنۍ بیېنۍ کە بە شوکرانەو خلقەتوو ئاسمان، زەمین، ئاویی ، گیواوی و ئینسانی گېریێنۍ.

نۆرۊز
یۊوە جە قەڎیمیتەرن جەژناو ئێرانیا بیېنە کە واچېنۍ جەژنەو جەمشیڎی، ئەوەڵین شای ئەفسانەیی ئێرانی بیېنە.
نۆرۊز جەژنەو ساڵێ تازۍ و ئاخېزو تەبیعتی و ئاماو گەرمای و فەسڵوو کېشاوەرزی و کشت و کاڵیچ بیېنە.

مێهرەگان
جەژنەو مێهرەگانی یا جەژنەو جەم کەرڎەی و چنیەو سەمەرە کېشاوەرزی و باخیەکا کە پانزەو مانگەو ترازیۍ بۍ. وەختێ خەڵک ئی گرڎ سەمەرېشە چنیێنە و گلېرېش کەردینێوە پەی فەسڵوو زمسانی، جەمۍ بیېنۍ و جەژنەشا کەرڎېنه.

سەدە:
جەژنەو سەدەی یا جەژنەو پېڎا بېیەو ئایېری. ئێرانیۍ ئی جەژنېشا، بۊنەو ئەرج و قوربوو ئایېریەو گېرتېنە، چوون ئایېر هەم نوورش دان و هەم گەرماش بېیەن.

ئی جەژنۍ، جە دەو مانگەو ڕابڕانی لوەینە ڕاوە و سەبەبوو نامە نیایچش ئانە بېیەن کە پەنجا ڕوۍ و پەنجا شەوۍ کە کەڕۊ سەڎ شەوانەڕوۍ، تاکو نۆرۊز مەنەن پەوکەی نامېشا نېیەنە جەژنەو سەدەی.[1]