ئەمڕۆ پێنجشەممە ڕێکەوتی #15-06-2023# بەڕێز #نێچیرڤان بارزانی#، سەرۆکی هەرێمی کوردستان، لەگەڵ کۆمیسیۆنی باڵای سەربەخۆی هەڵبژاردنی ئێراق کۆبووەوە کە لەسەر بانگهێشتی بەڕێزیان بۆ گفتوگۆکردن و هەنگاوەکانی ئامادەکاریی هەڵبژاردنی داهاتووی پەڕڵەمانی کوردستان، سەردانی #هەولێر#یان کردووە.
لە کۆبوونەوەکەدا کە بەڕێزان خاتوو جینین پلاسخارت نوێنەری تایبەتیی سکرتێری گشتیی نەتەوە یەکگرتووەکان لە ئێراق، جێگرانی سەرۆکی هەرێمی کوردستان، تیمێکی پسپۆڕی یۆنامی و سەرۆک و ئەندامانی ئەنجوومەنی کۆمیسیارانی ئێراق ئامادەی بوون، نێچیرڤان بارزانی دووپاتی کردەوە کە هەرچی زووە هەنگاو بنرێ بۆ ئەنجامدانی هەڵبژاردنی هەرێمی کوردستان. لەمبارەیەوە بەڕێزیان ئامادەییی سەرۆکایەتیی هەرێم و حکوومەت و سەرجەم لایەنە پەیوەندیدارەکانی هەرێمی کوردستانی بۆ سەرخستنی پڕۆسەکە دەربڕی.
لای خۆیەوە خاتوو جینین پلاسخارت و تیمی یۆنامی پشتیووانیی خۆیان بۆ هەنگاوەکانی نێچیرڤان بارزانی ڕاگەیاند و ئامادەیییان نیشان دا بۆ پێشکەشکردنی هاوکاری بۆ ئەنجامدان و سەرخستنی هەڵبژاردن.
دواتر بەڕێز سەرۆکی کۆمیسیۆنی باڵای سەربەخۆی هەڵبژاردنی ئێراق و ئەنجوومەنی کۆمیسیاران، سوپاسی بەڕێز سەرۆکی هەرێمی کوردستانیان کرد بۆ بانگهێشت و گرنگیدان بە ڕاگۆڕینەوە و گفتوگۆ، هەروەها ئامادەییان نیشان دا بەپێی یاسا و دوای دەستەبەرکردنی پێداویستییەکان و ڕێککەوتن لەسەر کاتێکی گونجاو، هەڵبژاردنی هەرێمی کوردستان بەڕێوە ببەن. لەمبارەیەوە بڕیار درا لە پەیوەندیی بەردەوامدا بن بە مەبەستی دیاریکردنی وادەیەک بۆ ئەنجامدانی هەڵبژاردن. [1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 411
Scrivi il tuo commento su questo articolo!