ڕووسەکۍ و مافو ئۊتۆنۆمی پەی کوردی:
ڕووسەکۍ دژو مافو ئۆتۆنۆمی بېنۍ پەی کوردەکا، گەر جە لاو تورکەکاوەیچ بۊ، بە مەڵامەتو ئانەی گەر کوردەکۍ تورکیەی مافو ئۆتۆنۆمی بە دەس باران، ئینجا کوردەکۍ ئێرانی یا ملا پاڵو ئاڎییشا، یان وېشا داواو ئۆتۆنۆمی کەران، ئینەیچە هەرمانۍ خرابەن، چوونکوم هام سنوورېنۍ چەنی کوردەکا خۆیە و ماکۆ و سەڵماسی، پەی ئاڎییشا یاگۍ تەرسېنە و بە قازانجشا نېیەن. ئینەم پەوکەی دووبارە کەردۆ چوونکوم پەی چن ساڵێ بەڵشەویەکۍ پەیمانشا بە نوېنەرا و کەسایەتیە کوردەکا دابۍ گوایا مەبانۍ مېیانجی کەرو (کورد و تورک) ی پەی وەرگېرتەی ئۆتۆنۆمی، بە نېیازو ئانەی کوردەکا جە ئینگلیزەکا بڕارەو دوورېشا ۋزاوە، ئا پەیمانۍ کە دێشا بە کوردەکا، نەک هەر پېچەوانەو دەستوورەکەی بېنۍ، بەڵکوم سنوورو تاوانیچشا بەزنان، دەسەڵاتدارۍ ڕژېمو بەڵشەوی یاگێ تەرۆ فەرمانبەرەکېشا هاگاڎارۍ کەردېبېنێ کە کوردەکۍ نېیازشانە بە نزیک بېیەیۆشا جە ئېمە پېوەڼی ئېمە و فارسەکا و تورکەکا تېک بڎا.
دکتۆر ئەفراسیاو هۆرامی.[1]
Questo articolo è stato scritto in (هەورامی) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 224
Scrivi il tuo commento su questo articolo!