#بافڵ تاڵەبانی# سەرۆکی یەکێتی نیشتمانی دژ بە هەوڵەکانی #لاهور شێخ جەنگی# دەستی بە جوڵە کردووە و دەیەوێت شکست بە پڕۆژەکەی بهێنێت.
ئەو کۆبوونەوە و سەردانانەی بافڵ تاڵەبانی سەرۆکی یەکێتی بۆ لای لایەنەکان لە #سلێمانی# دەستی پێ کردووە و بڕیارە بەردەوامیش بێت، پەیوەندی بە جوڵە نوێیەکەی لاهور شێخ جەنگییەوە هەیە.
بافڵ تاڵەبانی لە میانی کۆبوونەوەکانی لەگەڵ بەرپرسانی #بزووتنەوەی گۆڕان# و یەکگرتووی ئیسلامی و کۆمەڵی دادگەری، بەڕوونی وتوویەتی، وەک یەکێتی پێیان باش نییە بچنە بەرەیەکەوە زیان لە بەرژدەوەندییەکانی ئەوان بدات.
بافڵ تاڵەبانی ئەوەی وەک هۆشدارییەکی ناڕاستەوخۆ داوە بە بەرپرسانی ئەو لایەنانە و تەنانەت پێشنیازی ئەوەی بۆ کردوون، ئەگەر دەیانەوێت بەجددی بەشداری هەڵبژاردنی ئەنجوومەنی پارێزگاکان بکەن، ئەوە وەک یەکێتی ئامادەن هاوپەیمانی ڕابگەیەنن و هەموو هاوکارییەکیش لەو چوارچێوەیە پێشکەش بەو لایەنانە دەکەن، کە دەبنە بەشێک لە هاوپەیمانێتی یەکێتی.
ئەمە لە کاتێکدایە، لاهور شێخ جەنگی، کە خۆی وەک هاوسەرۆکی یەکێتی دەناسێنێت و پڕۆژەیەکی ئامادەکردووە و دەیەوێت بۆ هەڵبژاردنی ئەنجوومەنی پارێزگاکان لە ناوچە جێناکۆکەکان هاوپەیمانییەک درووست بکات، تا ئێستا ڕێکەوتی #27-06-2023# هیچ لایەنێک ئامادەیی نیشاننەداوە بچێتە ناو هاوپەیمانییەکەی لاهور شێخ جەنگی. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 503
Scrivi il tuo commento su questo articolo!