ڕاپورتەو شازادە (باریس شاخۆڤسکی) :
نامبریا دلۍ ڕووسیایینە بە نامدارتەرین کوردئەشناس ئەشناسیان، ساڵانێ جە کوردەسان بېیەن و فرە گېڵان، نوېنەرو دۆڵەتو ڕووسیای بېیەن پەی کېشتەی کوردەکا پەی ڕووسیای، زانیاریۍ فرېش سەرو کوردەکا و سەرکەردەکاشا گلېرۍ کەردېنێ و پەی دۆڵەتو تورکیایش کېیاستېنۍ، زیاتەریچ سەردەمو جەنگی جەهانی دوەمینە، گەلێ زانیاریۍ بە قیمەتېش پەی دام و دەزگاکا حکومەتو سۆڤیەتی کېیاستېنۍ، سەرنجەو کوردەکاش کېشتېنە پەی دۆڵەتو ڕووسیای، چەنی کومەڵێ جە سەرخېڵە کوردەکا پېوەڼی نزیکش بېیەن.
کورد ئەشناسەکۍ ڕووسیای فرە سوودشان جە ڕاپورتەکاش گېرتەن، بەڵام بە داخۆ هەرچی بە قیمەتو پېویس بېیەن ئیشارەتش پەنە نەکەردەن، باسو تاوانو کاربەدەسەکاش نەکەردەن، زیاتەریچ کاربەدەسەکۍ قەفقازی و باڵوېز و قونسوڵخانەکېشا جە تورکیای عوسمانی و ئێرانەنە.
شاخۆڤسکی بە وردی و بە بەڵگۍ حاشا هۊرنەگیرۍ وەر چا ڕاپورتا گېرۊ هەکە ماچان کورد دژمەنو ڕووسیاین، داوا کەرۊ باوەڕ پا کەس و ڕاپورتا نەکەرا، چوونکوم وېش کوردەسانەرە گېڵان هاگاڎارو بار و زرووفەکەین، جە نزیکۆ بە چەمۍ وېش مەوینۊش.[1]
Questo articolo è stato scritto in (هەورامی) lingua, fare clic sull'icona
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Questo oggetto è stato visto volte 266
Scrivi il tuo commento su questo articolo!