دمای تڕی قنگە قوجنۊ
بڕێ کەسۍ وەختو واتە و گۊشگېرتەینە قسێ هەڵۍ ماچان، یان دەمشانە بەرمشۊ، ئیتر دمایی پەشیمانی بەرمەوزان، یان هەرمانێ کەران، بەڵام دمایی مەزانان هەڵېنە، پەشیمانیچ داڎشا نمەڎۊ.
ئا حاڵەتۍ وېناکریێنۍ بە بەرشېیەی هەوای جە کۊمەو مروڤیۆ، هەرچن وېناکەردەیێ گولەن، بەڵام ئیتر ئامانو بېیەن بە بەشێ جە کەلتوور و فەرهەنگو ئېمە، وەختێ کەسێ بە هەر هۊکارێ ئا بارەشە وەنە قۊمیۊ، یەکسەر وېش کۊ کەرۊوەو گېیانش مارۊە یۊ، بەڵام پېسە واتەنشا کار جە کاری ترازیان، هیچ ئیسفاڎەش نېیەن، مەشۊم وەڵۍ ئانەی دەسبەری پەی هەرمانێ خاس ویرېش چەنە کەریۆ، سەرنجەش بڎەی، قازانج و زەرەرش لەیەکۍ بڎەیۆ، چوونکوم ئانەی لوا ئیتر نمەگېڵۊوە.[1]
Questo articolo è stato scritto in (هەورامی) lingua, fare clic sull'icona
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Questo oggetto è stato visto volte 706
Scrivi il tuo commento su questo articolo!