شیوی بە زۆر کابانان، یان سوورە یان بێخوێ
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (شیوی بە زۆر کابانان، یان سوورە یان بێخوێ) ، وتراویشە: ماڵی زۆر کابان چێشتیان یان سوێرە یان بێخوێیە، ئەگەر چێشتێک زیاتر لەیەک کەیبانوو سەرپەرشتی بکات، ئەوا کابانی یەکەم چەنگە خوێیەک و کابانی دووەم چەنگە خوێیەکی تری تێ دەکات و چێشتەکە دەبێتە ژەقنەبووت و تاڵ و سوێر دەبێت و ناخورێت، جاری واش هەیە ڕێک دەکەوێت کابانی یەکەم لەبەر کابانی دووەم و کەیبانووی دووەم لەبەر کەیبانووی یەکەم هیچیان خوێ ناکەنە چێشتەکەوە بەمەش ئاشەکە بێ خوێ دەبێت، ئینجا ئەوە بووە بە ئیدیۆم و بۆ بەڕێوەبردنی وڵات و ماڵ بەکاردەهێنرێت ئەگەر زیاتر لە کەسێک خۆی بە گەورە دابنێت جۆرێک لە پاشا گەردانی لێدەکەوێتەوە بۆیە وتراوە: شیوی زۆر کابانان، یان سوورە یان بێخوێ. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 196
Scrivi il tuo commento su questo articolo!