ب دەستووری خودێ
بەیتا جندی
جندی یۆ رابە رۆژە
بەس ڤێ خەوێ ھندۆژە
خەوا بەرێ سبێ زۆر عەزاب و دۆژە
***
رابە ژ خەوێت شرینە
بەس گۆرێ تەنگ ببینە
فەقیر دبێ کەربن دبێ کینە
***
رابە ژ خەوێت تارییە
خەو حەرام د بوو ل جندییە
وێل خودانێت ماشان و جەنبەقییە
***
رابە ژ خەوێت سبەھە
خەو حەرام دبوو ل مەدەھە
وێل خودانێت خەرقەھە
***
رابە ژ خەوێت ھێڤارا
خەو حەرام دبوو ل مێردارا
وێل خودانێت کەونان و کارا
***
جندی ناکەن نوو خەوێ
دێ ب سەرێ خۆ چنە گەوێ
دگەل میرێ خۆ ناکەن دەرەوێ
***
دیکلێ عەرشا بانگدا
یێ ئەردا جەواب دا
شیخادی وێ د ھەکار دا
پەدشێ من وێ د دلێ ب رەحم دا
***
رابە ژ تاری باڤە
قەسد بکە مەرزێت ئاڤە
جوان بکە دەستان و چاڤە
ئەڤە بوو عەدەتێ مە زەرباڤە
***
جندی یۆ توی نڤستی
ل خلمەتێ یی سستی
لەو میرێ مەزن تو ژ ماش ئێخستی
***
جندییۆ مەخۆ ب رۆژان
و مەنڤە ب شەڤان
سەری ھلینە ببینە ملکان و باغان
بەھشتا باقی ملکێ ئێزی یێ سلتان
***
یێ تەمام خودێ یە.[1]
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 532
Scrivi il tuo commento su questo articolo!