ژنێ سەر باڕەکە، پیاوی سەرجوانەگا
لە ناوچەی #خۆشناوەتی#دا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (ژنێ سەر باڕەکە، پیاوی سەرجوانەگا)، بەهۆی ئەزموونەوە هەندێ لە ئیدیۆمەکان جێگەی خۆیان گرتووە، لەو ئیدیۆمە وەسفی سەری ژنان و پیاوان دەکات، ئەو ژنەی سەری باڕەکە: جوجەڵەی مریشک کاتێک تەمەنی دەگاتە شەش مانگ بەسەرەوە تاوەکوو ساڵێک بەمێیەکەی دەوترێت: باڕۆکە، ئەو جۆرە ژنانە خاسیەت و ئەدگار و ڕواڵەت و خەسڵەتی ژنانەیان پێوە دیارە و ڕەسەنن، پیاوی سەرجوانەگا: گۆلکی نێرینە کە پێی نایە سێ ساڵییەوە پێی دەوترێت: گا، جوانەگا، سەر و مل و شانی گەورەیە وخورت و بەهێز و بەرزەفت ناکرێن، ئەو جۆرە پیاوانە خاسیەت و ئەدگار و ڕواڵەت و خەسڵەتی پیاوانەیان پێوە دیارە و ڕەسەن، وەکوو ئەزموون لە ناوچەی خۆشناوەتیدا بۆیان دەرکەوتووە و دەڵێن: ژنێ سەر باڕەکە، پیاوی سەرجوانەگا. [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 300