#لاهور شێخ جەنگی# لەو پەیامە ڤیدیۆییەی ئێوارەی ئەمڕۆ ڕێکەوتی #08-08-2023# بڵاوی کردەوە هێرشی توند دەکاتە سەر #پارتی دیموکراتی کوردستان# و #یەکێتیی نیشتمانیی کوردستان# و بۆ یەکەمجاریش باس لەو مەترسییانە دەکاتە بەهۆی پارتی و یەکێتییەوە لەسەر قەوارەی هەرێم درووست بووە.
لاهور شێخ جەنگی لەبارەی مەترسییەکانی سەر قەوارەی هەرێم دەڵێت ”قۆڵبادان و ململانێ سیاسییەکانی نێوان پارتی و یەکێتی، لە #هەرێمی کوردستان# گەیشتۆتە ئەو ئاستەی وا خەریکە بەتەواوەتی قەوارەکە بخەنە بەر مەترسی پیلانگێڕییە ناوخۆیی و دەرەکییەکان کە بە خوێنی ڕژاوی هەزاران شەهید و خەباتی چەندین ساڵەی دەیان هەزار پێشمەرگە و تێکۆشەر و قوربانیدانی ئەم گەلە ستەمدیدە و ستەملێکراوە بەدەستهاتووە”.
لاهور شێخ جەنگی ئۆباڵی هەر شکستێک کە لە داهاتوو بەسەر کورد بێت دەیخاتە ئەستۆی پارتی و یەکێتی و دەڵێت ”بەڕوونی بە خەڵکی کوردستانی ڕادەگەیەنم کە لە داهاتوو هەر ئەنجامێکی نەخوازراو ڕووبدات ئەوا ئەو لایەنانە لێی بەرپرسیارن کە خەمی چارەنووسی #کەرکووک# و خەڵک و خاکی ئەو ناوچانەیان نییە و سڵ لە وێرانبوونی ناکەنەوە و بە فرە لیستی بەشداری لەم پڕۆسە گرنگ و هەستیارەدا دەکەن”. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 281
Scrivi il tuo commento su questo articolo!