لە پای ئەو ئاستە بەرزەی و دڵسۆزی و خۆشەویستی بۆ یانەکەی، یانەی وەرزشی پێشمەرگە میدالیای ڕێزلێنان دەبەخشێتە یەکێک لە یاریزانانی بەهرەمەندی فێرگەی تۆپی پێی یانە.
ئێوارەی ڕۆژی چوارشەممە #16-08-2023# و لەنێو بارەگەی #یانەی وەرزشی پێشمەرگەی سلێمانی#، (م.شێرزاد محەمەد حەسەن) سکرتێری یانە پێشوازی کرد لە یاریزانی بەهرەمەند (لاوی ئالان) و خانەوادەکەی.
لەو میواندارییەدا و سەرەتا سکرتێری یانە وێڕای بەخێر هێنان، ستایشی دایک و باوکی کاکە لاوی کرد بۆ ئەو پەروەردە جوانە و پێگەیاندنی و پەروەردەکردنی کە بووەتە نموونە لەنێو منداڵانی بەهرەمەندی یانەکەیان لە فێرگەی تۆپی پێدا.
بە ناوی دەستەی کارگێڕییەوە هیوایی تەمەن درێژی و سەرکەوتنی بۆ لاوی خواست و هەروەک میدالیای دڵسۆزی و وەفای یانەکەی کردە ملی ئەو یاریزانە کە نموونەیەکی جوانی پەروەردەکراوی دەستی دایک و باوکێتی.
لە و مەراسیمەدا هەریەک لە (م.فریا حەمە حەمەساڵح) سەرپەرشتیاری هونەری فێرگەی تۆپی پێی یانە و (م.فەرمان) ئامادەی بوون و هەروەک لە لێدوانێکی کوورتدا، سەرپەرشتیاری هونەری فێرگەی تۆپی پێی یانەی پێشمەرگە بە پێشمەرگە سپۆرتی ڕاگەیاند کە لەنێو فێرگەی تۆپی پێی یانەی پێشمەرگە پەروەردە و فێرکردن لە بنەمای کارەکانە، پاشان پێگەیاندن لە ڕووی وەرزش و یاریکردنەوە، ناوبراو وتیشی، کاکە لاوی تەمەن 10 ساڵ نموونەی ئەو پەروەردەکردنەیە کە هەمووان پێی سەرسامین و هەر بۆیە لەسەر داوای یانە بانگێشت کراوە و خەڵاتی تایبەت و میدالیایی پێ بەخشراوە.
[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 219
Scrivi il tuo commento su questo articolo!