پەنەزانای پەی هۆرامان ڕوستەمی
سپاس و پەنەزانایم پەی کاکە هۆرامانی وەشەویسی کە هەمیشە بە ویری تێژ و سەردەمانەو وېش بە ئۆپەڕوو دڵسۊزیۆ یاردیدەرو هەرمانەکام بېیەن و بە نەقد و نویسەکاش دۆڵەمەندیش بەخشان بە ڕۊمان و داستانەکاو من . بۍ گومان ئینە گېڵۊوە سەرو ڕادەو وەشەویسی و ئەشقێوی کە جەنابشا بە فەرهەنگ و ئەدەبوو هۆرامانی هەنشا. وانای ڕۊمانێوی (443) پەلی بە خاس و خرابیەکاشۆ وەختش گەرەکا و وەختیچ پەی گرد کەسی جە هەر لیێو دنیایەنە بژیوۆ ئێژان. بە تایبەت وانای پەی نەقدی و هەرپاسە نەقد سەرو ڕۊمانی هەرمانەو گرد کەسی نېیەنە، بەڵکوم کەسانېو متاوا وېشا دا دلێ ئا ئاوە خرۆشانێ کە مەلێ خاسە بزانا و ئەزموونیچشا چا کارەنە جە ڕۊمان نویسی زیاتەربۊ. کاکە هۆرامان بە نەقدوو ڕۊمانوو سیاورێحانەی و کۆپان لاری، شۆکێوش پەنە دانێ و وریاش کەرداوە سەرو ئا سووچ و کەلەبەرا کە دلێ ڕۊمانېیەنە هەنێ و ڕۊمان نویس وېش مەتاۋۊ وینۊشا. هەر ئا شۆکە بۍ کە یاونانېش بە نویسەو ڕۊمانوو چنارەی ئانا هەمتەر دلێ چنارەیچەنە بڕېو یاگێم نەدیێنێ و پەی هەرمانێوەتەرێم ئەر عومر باقیبۊ چراوێوەتەرەش دانێ دەسۆ. بە گەرمی دەسەکاش فشاروو و ئارەزوو ساقی و سڵامەتیش پەی کەروو. کەسانېوی پېسە کاکە هۆرامانی مایێ شانازی هۆرامانېیەنێ.
ڕەزا بەهمەنی.[1]
Questo articolo è stato scritto in (هەورامی) lingua, fare clic sull'icona
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Questo oggetto è stato visto volte 305
Scrivi il tuo commento su questo articolo!