سەرکۆتەی هۆرامیێ دلۍ ڤیستیڤاڵو فلمی کوردینە جە مۆسکۆ

ڤێستیواڵوو فیلمی کوردی مۆسکۆینە، هۆرامیێو خاڵاتش بەردەوە.
ئی ڤێستیواڵە، یەرۆمین ساڵا، مۆسکۆنە ملۆ ڕاوە.
(ڕێبوار مەحموودپوور) ، کارگېڵنی جوانی هۆرامی، بە فیلموو
( کوېسان ڤەرچەمېوی ژەنانە) نە، بە ئێنگلیسی
the mountains a feminine narration
چی کێوەڵکێنە، بەشداریش کەردەن.
ئی فیلمە باسوو دیاردەو کۊڵبەری کەرۊ هۆراماننە. دلێو فیلمەکەینە، ئا ژەنێ هەرمانەو کۊڵبەری کەران، جە بارەو هەرمانەکیشاوە قسی کەرانێ.
ئی فیلمە تاوانش خاڵاتو خاستەرین فیلمی بەدەس بارۆ.
ئەنجمەنوو ڕۆجیاری، پیرۊزبایی تایبەت ماچۊ بە کاکە ڕېبواری وەشەسیای.
ڕیبوار محمودپور جە مۆسکۆوە بە کەناڵو (ئاژین) یش وات: ڤیستیڤاڵو فیلمو کوردی مۆسکۆی پەی یەرەمین ساڵی جە شارو مۆسکۆی بریا ڕاوە، ئیمەیچ جە هۆرامانۆ بە فیلمێ بەڵگەنامەیی بەشداریما کەرد کە باس جە کۊڵبەری کەرو جە هۆرامان، ئا ژەنی کە هەرمانەو کۊڵبەری کەران جە بارەو هەرمانەکیشاوە قسی کەرانی، ئی فیلمە بەڵگەنامەییە تاواش خەڵاتو خاستەرین فیلمی بەدەس بارو. هەر پاسە واتش: ئی خەڵاتە پیشکەش کەرو بە ڕوحو ئەڎاییم هەکە گرد وەختێ ئینا چەنیم.
یاگی واتەین هەر چی ڤیستیڤاڵەنە هامزوانێ خەڵکو دەگاو (کەماڵا) ی کە بەشدارو فیلمو (یەری کیلوۍ وەزی) بهروز قوبادی براو بەهمەن قوبادی، هەر پاسە هام زوانێ کاکەیۍ و گوران زوان (یارسان) یچ بەشدارو ڤیستیڤاڵەکەو مۆسکۆی بیۍ بە تەنبوور و فیلمێ دیکۊمێنتاری سەرو تەمورەی بەشداراش کەمەند کیش کەرد ڕوەو هۆرامان.[1]