زمسان ئاما، بەرگو فەقیری دڕیا
وەرزو زمسانی سەردا و سۊڵەن، ۋارای ۋەرۋېن، سېیاو ۋای سەردو تیژەن، ئینۍ گرد پەی فەقیری گولېنۍ، خەمئاوەرېنۍ. بە هۊکارو ئانەی فەقیر تەوانای داراییەش کەمەنە، خانەو مانەش ساڎەو بۍ تەدارەکەن، هۊکارۍ گەرمیش کەمېنۍ، پۊشاکی خاسش نېیەن.
بەڵام جە وەرزو هامنینە دنیا گەرمو هەوا وەش هەن، خەڵک پەنەۋازیش بە ئامرازەکا وۍ گەرمکەردەیۆ نېیەن، پەنەوازیش بە پۊشاکی قایېمی و فرەی نېیەن، پېسە واتەنشان ماڵو فەقیریەن.
ئینە بېیەن بە ئیدیۆمێ بەکارئامان پەی بارو ژیوای خەڵکە فەقیرەکا، کە جە وەرزو سەردا و سۊڵەینە دنیاشان چەنە مێوە یۊ، خەم گېرۊشارە، مەگنا هۆڵدای پەی پېڎاکەردەی قوتو وېشاو زاروڵاشا، پەی گېرتەرەی سەرو بانەکاشا پەی ناستەی دڵۊپەو دلۍ یانەکاشا، ئینۍ گرد فەقیری مەوزانە بارو زروفێ ناهەموار کە پاسە وېناکریان کە چەنی زمسان دارو درەختەکا ڕووتی کەرۊوە، ئەپاسەیچ بەرگو فەقیرەکا دڕۊن.
ئەسعەد ڕەشید.[1]
Questo articolo è stato scritto in (هەورامی) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 191
Scrivi il tuo commento su questo articolo!