ناڤ: عەبدولسەلام
ناسناڤ: شێخ عەبدولسەلام بارزانی
ناڤێ باب: محەمەد عەبدولسەلامی یەکەمی بارزانی
ساڵا ژدایکبوونێ: 1887
ڕوژا شەهید بوونێ: #14-12-1914#
جهێ ژدایکبوونێ: #مێرگەسۆر#
جهێ شەهید بوونێ: #موسڵ#
$ژیاننامە$
شێخ عەبدولسەلام بارزانی، ناڤێ وی یێ تمامی عەبدولسەلام محەمەد عەبدولسەلامێ ئێکەم یێ بارزانییە، یێ بەرنیاسە ب شێخ عەبدولسەلام بارزانی و برایێ مەزن یێ هەر ئێک ژ #شێخ ئەحمەد بارزانی# ، کو ل ناڤبەرا ساڵێن (1914- 1969ز) سەروکێ تەکیەیا بارزان بوویە و هەروەسا سەکردەیێ ئازا و نیشتمانپەروەرێ کورد ژەنەڕاڵ #مستەفا بارزانی#، سەرکردەیێ شوڕەشا #ئەیلولا مەزن# و ئێکەم سەروکێ #پارتی دیموکراتی کوردستان# بوویە د ناڤبەرا ساڵێن (1946- 1979ز) دا.
شێخ عەبدولسەلام بارزانی ل ڕێکەفتا (1ێ کانوونی دووەمی1887ز) ل گوندێ بارزان یا سەر ب باژێڕوکێ مێرگەسۆر ل سنوورێ پارێزگەها #هەڤلێر# یا پایتەختێ باشوورێ کوردستانێ یا نها و کو وی سەردەمەی سەر ب ویلایەتا مووسڵ بوویە و نها ئەڤ باژێڕوکە سەر ب هەرێما باشوورێ کوردستانێ یە، ل ماڵباتەکە ئایین پەروەر و نیشتمان پەروەری یێن کورد ژدایک بوویه، کو بنەماڵەیا بارزانی نەڤیێن بنەماڵەیا میران یێن میرنشینێ بادینان (ئامێدی) و نەڤیێن خودێ میر مەسعود پاشا (1842- 1848ز) سی و شەشەم و دوماهیک میرنشینێ بادینان (ئامێدی) بوویە. شێخ عەبدولسەلام بارزانی د ژیێ زاروکینی یێ ڕە کەتییە بەر خوەندنا ئایینی ل گوندێ بارزان و پشتڕە دەڤەرێن دن یێن وێ ناوچەیێ ژبو خوەندنا ئایینی گەڕیایە. ل پشتی مرنا شێخ محەمەد بارزانی یێ بابێ وی ل ساڵا (1903ز) دا، بوویە شێخ و ڕابەڕێ ڕێبازا #نەقشەبەندی# ل تەکیەیا بارزان و دەردورێن وێ دەڤەرێ. جهێ ئیماژێیە وی سەردەمەی ژیێ وی ب تەنێ (16) ساڵ بوویە. ژبەر هاریکاریێن وی ژبو کوردێن باکوور کوو وی سەردەمەی بەرخوەدانا خوە هەبوویە ڕۆژا #14-12-1914# ل موسڵێ ژئالێ سوپایێ تورکان کوو وی سەردەمەی دەسهەڵات دارێن دەڤەرێ بوون هاتە ل سێدارە دان.[1]
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 283
Scrivi il tuo commento su questo articolo!