دوایی ئامادەکارییەکی چڕ و مەشقە بەردەوامەکانیان و بەشداریان لە تەواوی چالاکی و پاڵەوانێتییەکانی شاری #سلێمانی#، کوردستان و ئێراق دا گەیشتنی چەندین یاریزانی ئاست بەرزی تیمەکە بە ڕیزی هەڵبژاردەی ئێراق، بەشی کاراتێی یانەی وەرزشی پێشمەرگە ڤێستیڤاڵی کۆتایی ساڵ ئەنجام دەدات.
بڕیارە لە کاتژمێر 2:00 ی پاش نیوەڕۆی ڕۆژی هەینی #22-12-2023# و بە ئامادەبوونی تەواوی یاریزانانی ئاستە جیاوازەکانی کوڕان و کچانی کاراتێی یانەی پێشمەرگە لەنێو هۆڵی شەهیدی ئەندازیار ئەحمەدی تایبەت بە یانە بەشی کاراتێی کۆتا چالاکی وەرزی 2023 ی بەڕێوە ببات.
سەبارەت بە ئەنجام دانی ئەو ڤێستیڤاڵە، ئەرسەلان مورادی ڕاهێنەری گشتی تیمی کاراتێی یانەی پێشمەرگە تایبەت بە پێشمەرگە سپۆرت وتی، بە گرنگی دەزانین کە کار لەسەر برەودان و بەرەوپێشچوونی ئاستی کوڕ و کچە یاریزانانی تیمەکەمان بکەین، هەر بۆیە دوایی ئەوەی لە مانگی 6 ی ئەمساڵ یەکەم ڤێستیڤاڵمان ڕێک خست و بە شێوەیەکی سەرکەوتوو کۆتایی هات، هەربەو شێوەیەش دوا چالاکیمان کە بەڕێوەچوونی ڤێستیڤاڵی کۆتایی ساڵ دەبێت ئەنجام دەدەین.
ناوبراو وتیشی، ئەم ڤێستیڤاڵە لەژێر چاودێری ڕاستەوخۆی کارگێڕی یانەکەمان دەبێت و تەواوی ئەو یاریزانانەمان کە لەنێو هۆڵەکانی سەر بە یانەی پێشمەرگە مەشق دەکەن تێیدا بەشدار دەبن.
لە کۆتایش مورادی وتی، جگەلە بەڕێوەچوونی ئەو چالاکییە وەرزشیە بڕوانامەی یاریزانانی پێشتێن ڕەشەکان دابەش دەکرێت.
[1]
Questo articolo è stato scritto in (کوردیی ناوەڕاست - Central Kurdish) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 228
Scrivi il tuo commento su questo articolo!