سەرۆکى هەرێمى کوردستان و باڵیۆزی ئەمریکا لە ئێراق، دۆخى ناوچەکە و ئەگەر و لێکەوتەکانى تاووتوێ دەکەن.
ئێوارەى ئەمڕۆ شەممە #13-01-2024#، بەڕێز #نێچیرڤان بارزانى#، سەرۆکى هەرێمى کوردستان، لە بەردەوامیى دیدار و کۆبوونەوەکانیدا لە #بەغدا#، لەگەڵ خاتوو ئالینا ڕۆمانۆوسکى، باڵیۆزى ئەمریکا لە ئێراق کۆبووەوە.
لە کۆبوونەوەیەکدا دەربارەى ڕەوشى سیاسى و ئەمنیى ئێراق و پەیوەندییەکانى #هەولێر# بەغدا و گفتوگۆى #حکومەتی هەرێمی کوردستان# و حکوومەتى فیدراڵیى ئێراق بۆ چارەسەرکردنى کێشەکانى نێوانیان، بیروڕایان گۆڕییەوە، هەروەها باسیان لە دوایین پێشهاتەکانى دۆخى ناوچەکە بەگشتى و ئەگەر و لێکەوتەکانى کرد.
هەردوولا هاوڕا بوون لەسەر گرنگیى پاراستنى ئارامى و سەقامگیرى لە ناوچەکە و ڕێگرى لە فراوانبوونى ئاڵۆزییەکان. لە تەوەرێکى دیکەى کۆبوونەوەکەدا پەیوەندییەکانى ئەمەریکا لەگەڵ ئێراق و هەرێمى کوردستان و چەند پرسێکى دیکەى جێى بایەخى هەردوولا، تاوتوێ کران. [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 198
Scrivi il tuo commento su questo articolo!