سبەی چوارشەممە ڕێکەوتی #25-10-2023# شاری #سلێمانی# میوانداریی قۆناغی کۆتایی پاڵەوانێتی شەتڕەنجی کوڕانی ئێراق دەکات لە پاڵەوانێتییەکەدا 12 یاریزان ڕکابەریی لەسەر نازناوەکە و بوونە یاریزانی هەڵبژاردەی شەتڕەنجی کوڕانی ئێراق دەکەن، جێگای ئاماژەکردنە پاڵەوانێتییەکە تا ڕۆژی #01-11-2023# بەردەوام دەبێت و لەلایەن یەکێتی ناوەندی شەترەنجی ئێراق بە هاوکاری لقی سلێمانی یەکێتییەکە لە هۆڵی هۆتێل داوا ڕێکدەخرێت.
سەبارەت بەزانیاری ورد و هەنوکەییەکان #ئەسعەد ئیسماعیل# ئەندامی یەکێتییەکە و ڕاوێژکاری هونەری سەرۆکی یەکێتی شەتڕەنجی ئێراق ڕاگەیاند و وتی: دەستپێکی پاڵەوانێتییەکە کاتژمێر 5ی ئێوارەی ڕۆژی چوارشەممە ڕێکەوتی 25-10-2023 دەبێت و سەرجەم یاریزانەکان لە ماوەی 8 ڕۆژ و بە 11 جەولە یاری پێکەوە یاری دەکەن و جگە لەوەش خاوەن پلەکانی یەکەم تا پێنجەمی ڕیزبەندی پاڵەوانێتییەکە دەبنە یاریزانی هەڵبژاردەی ئێراق بۆ وەرزی 2023-2024 بەشداری پاڵەوانێتییەکانی دەرەوەی ئێراق دەکەن.
هەروەها ئەسعەد ئیسماعیل وتی: 12 یاریزانە بەشدارەکە کە 5 یاریزانیان کوردن، پێکهاتوون لە (حسێن عەلی-هەولێر)، (زۆزگ سەڵاح، ئاکار عەلی، ئاریان عەلی، ئەحمەد جەزا-سلێمانی)، (عەلی لەیس-موسڵ)، (ئەحمەد عەبدولستار، محەمەد لەتیف-دیالە)، (ئەمین محەمەد، عەلی فیڕاس-دیالە)، (عەباس حسێن-کەربەلا)، (موعەزەز زاهیر-دیوانیە).
ئەسعەد ئیسماعیل لە کۆتایی وتی: هیوای سەرکەوتن بۆ تێکڕای یاریزانەکان دەخوازم و هیواشم وایە دەزگاکانی ڕاگەیاندن و میدیاکارانی وەرزشی ئازیز گرنگێکی بەرفراوان بەم پاڵەوانییەتییە بدەن، چونکە یەکلاکەرەوەیە بۆ هەموو یاریزانانی بەشداربوو و هەنگاوێکی ناوازەشە سلێمانی دەبێتە چەقی میواندارییەکانی پاڵەوانییەتییە گرنگەکان.
[1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 247
Scrivi il tuo commento su questo articolo!