پاشماوەکانی جەنگ لەمەراسیمێکدا
(1)
جەنگ کۆڵان و جادە قیرتاو دەکات،
شیعر دەچێتە هەتیوخانە،
کتێبەکانیش زبڵخانە!
(2)
تانکەکان سڵاو دەکەن،
ئاوی جۆگە و ڕووبارەکان،
خوڕەی خوێن!
(3)
گوللە تۆپ دەکوکێت،
دڵی مرۆڤ ترس دەڕوێنێت!
(4)
ئاسمان دووکەڵ قووت ئەدا،
زەوی هەناسەی نابینا!
(5)
ئاوێنە لەکەلاوەیەکدا بینینی بەتاڵ،
جانتای کچان کەڕو لاڵ!
(6)
گۆرانییەک لەمیلۆدیادا خەزان،
دەستڕێژی قامچی ئاوەدان
(7)
تفەنگەکان بەناو باخدا فیکە دەکێشن،
نەمام و درەختەکان کەمئەندام!!
ناوی نووسەر: #ڕۆژ هەڵەبجەیی# [1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 80
Scrivi il tuo commento su questo articolo!