$کومەڵگەها دووگر$
ئەڤ کومەڵگەهە دکەڤیتە باکوورێ ڕوژئاڤایێ باژێڕۆکێ #شنگال#ێ، ئاکنجیێن ڤێ کومەڵگەهێ هەموو ئێزدینە. چەندین جهێن پیرۆزێ ئاینێ ئێزدیان دکەڤنە کومەڵگەها دووگر و ساڵانە هژمارەکا مەزنا کەسان سەرەدانا وان جهێت پیرۆز دکەن و ب تایبەت ل مەها نیسان و گولانێ ژبەر کو ل وان مەهان توافێن ئێزدیانە خەلک ژ هەموو گوندێن ئێزدیان قەستا توافا دکەت و هەر کەسەک خزم و هەڤال و نێزیکێن خۆ داخواز دکەن، خەلکێ کومەڵگەها دووگر لدیف ئامارێن بەری هاتنا داعش بۆ شنگال ل ساڵا 2010 نێزیکی ( 10،000) دەە هەزار کەسان بوون، هەرهۆسا لدەمێ هاتنا داعش بۆ شنگال ب سەدەهان کەس ژ کومەڵگەها دهۆڵا هاتن کوشتن و بێسەر و شوین کرن و ئەنفالکرن لسەر دەستێ دەولەتا ئیسلامی یا ب ناڤێ داعش، هەروەسا گەلەک خێزان ئاوەرەی باژێڕێن #دهۆک# و #زاخۆ# و #سلێمانی# بوینە ئانکو کۆچکرینە بۆ وەڵاتێن ئەوروپی. (140) سەد و چل کەس ژ کومکەەڵگەها دووگر بووینە قوربانی دەستێ دەولەتا ئیسلامی، کۆمەڵا وان کەسێن بوینە قوربانیێ دەستێ داعشێ 63زەلام بوون و 77 ژن بوون، 16 زەلام و 8 ژن هاتن ئەنفالکرن، 23 زەلام و 16 ژن هاتە بێسەر و شوێن کرن، 24 زەلام و 53 ژن هاتن ڕزگار کرن ژ دەستێ وانا، گەلەک ژ وان کەسێن ڕزگار بووی نهۆ ل وەڵاتێن ئەوروپی و کوردستانێ ئاکنجینە، لێ د نهۆ دا کومەڵگەها دووگر گەلەک خزمەتگۆزاریێن سەرەکی د کێمن یانژی نینن وەکی ئاڤ و کارەب و رێکێن هاتن و چۆنێ، دەستپێکا ساڵاێن 2019 و 2020 دا گەلەک خێزان ڤەگەریانە مال و جهێن خۆ و هێدی هێدی خزمەتگۆزاری باشتر دبن . [1]
Questo articolo è stato scritto in (کرمانجی - کوردیی سەروو) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Questo oggetto è stato visto volte 189
Scrivi il tuo commento su questo articolo!