کوردە مەشرووتەکۍ
کوردە مەشرووتەکێ جە تایبەتمەندیەکاشا، یۊ ئانەنە ئالێرژیشا بە دەسەواژەو (زوانی کوردی هۆرامی) هەن. جە ویس ساڵی وېیەردەنە چنی کۆنە ڕەفێقەکاشا کە ئیسە ماچمېشا گۊرانیسم، هەرمانێوەشا کەرد ئی دەسە واژە کۊمەڵگاو ڕۊشنویری هۆرامانېیەنە بی بە عەیب. ئېمە حەوزەو تاریخیەنە بەش بە حاڵوو وېما هەوڵما دان و مڎەیمێ کە نیشانە دەیمێ بە هەرمانە بەردەی دەسە واژەو (زوانی کوردی هۆرامی) درۆسا. بە تایبەت ئەر کەسېو ئێدعاش کەردە وېش بە کورد مزانۆ، بەڵام چنی دەسەواژەو کوردی هۆرامی ئالێرژیش بی، حەتمەن ڕېز ئینا کڵاششەنە و جە ئێدعاو کوردبېیەیەنە ڕاسگۆ نیا. هۆڵدای جە حەوزەی نەزەریەنە پەی سەلمنای ئانەیە دەسەواژەو (زوانی کوردی هۆرامی) درۆسا، تەنیا بەشێوی گولالە و سەرەتایی جە ئەرکوو ئېمەن. چاولای ئەرک گنۆ سەرو شانەو دڵسۊزە ڕاسەقیناو هۆرامانی یۊ یۆیشا، کە ئڼە ئی دەسەواژەیە تیکرار کەراوە کە گۊشێو کۊمەڵگای باخنیا چنیش.
سەرنجە: ئەر قەرارا کوردە مەشرووتەکێ پی جۊرە قسا جە کوردبېیەی ئێنسراف دا و گېڵاوە پەی تەنزیماتوو کارخانەی، بەش بە حاڵوو وېما وەشحاڵێ بیمێ. چوون کەسېو بە قسێوەو منی نەوعی جە کوردبېیەی تۆریۆ، سەوای هەزار و یەک بەهانێ زەرد و سوورێ مێزۆوە.[1]
Questo articolo è stato scritto in (هەورامی) lingua, fare clic sull'icona
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Questo oggetto è stato visto volte 217
Scrivi il tuo commento su questo articolo!