درۆ
بە ئەم هەورە قسرە
نە ئاسمان ئەزێت و
نە قاقڕ بە شینکە ئەخەمڵێ
گوڵم! وا مەنۆڕە
لە نیسێ بە ئەو لاوە نینە
تریشقەش ئەگەر بێ
وەکوو دەوڵە، بەس دەنگە، بۆشە!
ئەمن شەو نەخەوتم
هەتا ژوانی پیلان
لە سرتە و چپەی گەردەلوول و هەور تێگەیشتم
دژی خاک ئەدوان
گوڵم وا مەنۆڕە
درۆیە، فریوێکی نوێیە
لەچاویان وەشێرە
چ بۆن و بەرامەت لە کۆشە!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 82
Scrivi il tuo commento su questo articolo!