دوو تابلۆی ژیان
چاوەڕوانین!
هەموو کاتەکانی ژینمان
چاوەڕوانی ڕووداوێکین
ڕووداوەکان ڕوو دەدەن و
ئێمە هەروا چاوەڕوانین!
لە دایک بوون، ڕووداوێکە
مردن ڕووداوێکی دیکە
ژین مەترسی نێوان ئەو دوو ڕووداوەیە!
2
ژیان، خاجێکی گرانە
من، وەک عیسا
بەرەو گردی یاخی بوونم
کێشی دەکەم!
یان گاشەبەردی تاوانە
من وەک سیزیف
لە بناری منداڵییەوە
هەتا لووتکەی مەرگی دەبەم!
هەرچەند بارم زۆر گرانە و
هەزار ساڵە
ئەم هەورازە تووشە دەبڕم
بەڵام شادم
کە سەرئەنجام
لە جولجوتای عیشقا دەمرم!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 75
Scrivi il tuo commento su questo articolo!