ناوی هۆنراوە: دێ و لەخۆیدا جێمدەهێڵێ
هۆنراوەنووس: #حەمە ئەحمەد جاف#
سینەی تۆ نیشتیمانمە....
شیعریش پێکی شەوانەیە
تۆ شەمی شەوانی شیعری و
شیعرییش دیل و دێوانەیە !
خانزادی سوارچاکی عیشقت
مەرزی هزرم داگیردەکا
بەتیروکەوانی ئەبرۆی
خۆم و شیعرم ئەسیر دەکا
دێ و ڕادەبرێ، بێ پەساپۆرت
کەوشەنی دڵ دەبەزێنێ
بوومەلەرزەی عیشقێکی نوێ
کوختی شیعرم دەهەژێنێ
بارانی شەونمی نیگای
بەهاری دڵ گوڵڕێژ دەکا
پێخەفی باوەشی گەرمی
زامی ئەوین ساڕێژ دەکا
دێ و لەخۆیدا جێم دەهێڵێ و
لە دڵما دەگەشێتەوە
لەجێژوانی شیعرو گوڵدا
عیشقی سوور دەبەشێتەوە [1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 97
Scrivi il tuo commento su questo articolo!