ناونیشانی بابەت: وەرزشکردن لە کاتی دووگیانی
ناوی نووسەر: د. #کەژان کاوە تەها#

بەپێی توێژینەوەکان ئەو خانمانەی بەر لەدووگیانیش یان لە کاتی دووگیانی وەرزش دەکەن باشتر و ئاسانتر لەگەڵ گۆڕانکارییەکان ڕادێن و تەندرووستترن و لەدایکبوونێکی ئاسانتریان دەبێت . هەروەها مەترسی تووشبوون بە شەکرەی دووگیانی کەم دەکاتەوە و باری دەروونی خانمەکە ئارامتر دەبێت و فشاری دەروونی کەمتر دەبێت لەگەڵ چەندین سوودی تر.
=KTML_Bold=کام جۆر لە وەرزش ڕێگەپێدراوە؟=KTML_End=
-ڕۆشتن بەپێ و پیاسەکردن ڕۆژانە بۆ ماوەی 30 خولەک، ئەگەر کەمتر لە 30 خولەکیش بێت باشترە لەوەی کە هیچ ڕێکردنت نەبێت.
-مەلەکردن.
-لێخوڕینی پاسکیل لە شوێنی سەلامەت.
-بەهیچ جۆرێک لە کەشی زۆر گەرمدا وەرزشی قوورس مەکە و هەمیشە لە کاتی وەرزشکردن بڕێکی باش ئاو بخۆرەوە بۆ ئەوەی جەستەت دووربێت لە وشک بوونەوە.
-ئەو جۆری وەرزشانەی مەترسی کەوتن یان زەبر بەرکەوتنیان تێدایە باشترە نەکرێن.
=KTML_Bold=بەڵام ئەگەر خانمێک یەکێک لەم حاڵەتانەی هەبێت لەوانەیە وا پێویست بکات وەرزش نەکات لەوانە=KTML_End=
-نەخۆشی دڵ
-ڕەبۆ
-ئەو خانمانەی کێشەی ملی ڕەحم و لەبارچوونی دووبارەبوویان هەیە.
-ئەگەر مەترسی منداڵبوونی پێشوەخت هەبێت.
-ئەگەر وێڵاش لەخوارەوە بێت و خوێنی هەبێت. [1]